Shymkent qalasy Polısııa departamenti baspasóz qyzmetiniń qyzmetkerleri áleýmettik jelige monıtorıng júrgizý kezinde kanalızasııa sýyn kóshege shyǵaryp qoıǵan azamattyń is-áreketine qatysty jazbany anyqtady. Shymkent qalasy Abaı aýdany Telman bólimshesi Erbol Spataev kóshesinde turatyn azamat úıiniń kanalızasııa sýyn kóshege shyǵaryp qoıǵany týraly áleýmettik jelilerge aqparat jarııalanǵan bolatyn.
Oryn alǵan jaıtqa baılanysty Abaı aýdany Polısııa basqarmasynyń №9 ýchaskelik polısııa pýnktiniń ýchaskelik polısııa ınspektory Nýrbol Tórequlov mán-jaıdy anyqtaýǵa kirisken. Oqıǵa ornyna Abaı aýdandyq ákimshilik qyzmetkerleri men Ekologııa basqarmasynyń qyzmetkerleri shaqyrtylǵan.
Qazirgi tańda atalǵan jaıt boıynsha tıisti is-qujattar jınaqtalyp jatyr. Barshańyzǵa belgili, 2021 jyl quqyq buzýshylyqtardyń aldyn alý jáne “jurtqa jaqyn polısııa” qaǵıdatyn qamtamasyz etý jyly bolyp jarııalandy. Bul oraıda halyqty quqyq buzýshylyqtardyń aldyn alý prosesine tartýdy kózdelgen.
