Oblystyq polısııa departamenti baspasóz qyzmetiniń málimetinshe, oqıǵa 23 qańtarda túngi saǵat 03:29 shamasynda bolypty.
«Atyraý qalasyndaǵy Azattyq kóshesinde ornalasqan «Vivaldi» meıramhana aldynda 32, 33 jáne 28 jastaǵy úsh áıel ózara kelise almaı tóbeles shyǵarǵan. Olar sol kúni «Vivaldi» meıramhanasynda kóńil kóterip, ishimdik ishken. Patrýldik polısııa qyzmetkerleri quqyq buzýshylardy narkologııalyq saraptamadan ótkizipdi. Saraptama nátıjesinde úsh áıeldiń jeńil dárejede mas kúıde bolǵany anyqtaldy. Olarǵa qatysty QR Ákimshilik quqyqbuzýshylyq týraly Kodeksiniń 434-babymen ákimshilik hattamalar toltyrylyp, sotqa joldandy» dep habarlady departamenttiń baspasóz qyzmetinen.
Al keshki saǵat 20:00-den keıin jumysyn jalǵastyryp, karantındik shekteý rejımin saqtamaǵan «Vivaldi» meıramhana-baryna qatysy jınaqtalǵan qujattar sheshim qabyldaý úshin Atyraý qalalyq sanıtarııalyq-epıdemıologııalyq baqylaý basqarmasyna joldandy.
