«Qasym han» tarıhı serıalynyń prodıýseri Qýanysh Ahmetov bolǵan. Bastapqyda fılmdi Metın Gıýnaı esimdi túrik rejısseri túsirýi kerek bolǵan, biraq artynsha ol bas tartqan. Túsirilim aqyry bastalmaǵan. 2020 jyly joba tujyrymdamalyq formatyn ózgertip, "Uly dala tańy" bolyp ózgerip, tolyqmetrajdy kórkem fılm bolyp ózgergen. Jańadan jınalǵan túsirilim tobyn Aqan Sataev basqardy. Búginde túsirilim jumystaryna daıyndyq bastaldy.
«Uly dala tańy» jobasynyń atyna keltirilgen nuqsandy joıý maqsatynda biz serıal men tolyqmetrajdy fılm eki bólek ekenin atap ótemiz», dedi «Qazaqfılm» baspasóz qyzmetiniń ókilderi.
Eske salaıyq, buǵan deıin «Qasym han» serıalynyń túsiriliminde 30 mıllıon teńgege jýyq qarajat urlanǵany habarlanǵan bolatyn.
«Tergeý barysynda qyzmettik jaǵdaıyn paıdalana otyryp, «Qasym han» tarıhı serıalynyń túsiriliminde qoldaný úshin pırotehnıka satyp alýǵa bólingen 29,9 mıllıon teńge somasyndaǵy bıýdjet qarajatynyń urlanǵany dáleldendi. «Qazaqfılm» AQ-qa keltirilgen zalal sotqa deıingi tergep-tekserý kezeńinde tolyq kólemde óteldi», delingen habarlamada.
