– Endi «Teńizshevroıl» JShS-nyń demeýshiligimen oblystyń medısına mekemelerine vaksınany saqtaıtyn 700 lıtrlik muzdatqysh jetkizilgeli kútilip otyr. Buǵan qosa vaksınany aýdandarǵa taratý úshin taǵy 60 lıtrik 2 muzdatqysh, 15 memlekettik emhanaǵa 110 lıtrlik 15 muzdatqysh alynady, – dep habarlady basqarmanyń baspasóz qyzmeti. – Al jekemenshik medısınalyq mekemeler muzdatqyshty óz qarajaty esebinen alatyn bolady. Vaksınany saqtaý jaýapkershiligi atalǵan mekemelerdiń ózderine júktelip otyr.
Densaýlyq saqtaý mınıstrligi bekitken algorıtmge sáıkes, turǵyndarǵa erikti túrde ekpe salý úshin vaksınaǵa jaýapty medısına mamandaryn kásibı oqýdan ótkizý kózdelipti. Sodan soń aqpan aıynda vaksına salý bastalady. Osy maqsatta bastapqy medısınalyq-sanıtarlyq kómek kórsetetin 22 uıymda arnaıy oryndar daıyndaldy. Onyń ishinde 15 memlekettik mekeme bar. Qalǵany – jekemenshik medısınalyq mekemeler.
Emhanalar vaksına salýdy turǵyndardyń sanyna qaraı erikti túrde qolǵa alady. Algorıtmge sáıkes, ekpeni birinshi kezekte koronavırýs ınfeksııasyn juqtyrǵan naýqastarǵa kómek kórsetetin medısına mamandaryna salý josparlanýda.
Atyraý oblysy
