Ekpe saldyrý – óz erkińizde

Densaýlyq saqtaý mınıstr­ligine qarasty sanıtarlyq-epı­demıologııalyq baqylaý komı­tetiniń ókilderi mektep jasyndaǵy balalardy vaksınalaý máseleleri boıynsha azamattardyń ótini­shine baılanys­ty COVID-19 ekpe salý tártibi men erejesin túsin­dirdi.

«Halyq densaýlyǵy týraly» Kodekstiń 77-baby negizinde kez kelgen ekpe, onyń ishinde koronavırýs ınfeksııasyna qarsy vaksınalaý erikti túrde júzege asyrylady. Azamattar vaksınalaýdan jazbasha túrde bas tartýǵa quqyly. 18 jasqa tolmaǵan balalar men 65 jastan asqan adamdarǵa vaksınanyń tıimdiligi men qaýipsizdigi týraly málimet joq, sondyqtan bul jas­taǵylarǵa ekpe salynbaıdy.

KVI-ge qarsy vaksınalaý epı­demııalyq mańyzdylyǵyn es­kere otyryp, kezeń-kezeńimen tegin me­dısınalyq kómektiń ke­pil­­dik berilgen kólemi sheńbe­rin­de júr­giziledi. Bıyl 1 aqpanda bas­talatyn birinshi kezeńde ın­fek­sııalyq aýrý­hana, jedel medı­sınalyq jár­dem, rea­nımasııa jáne qabyldaý ból­meleri, sanepı­dqyzmettiń medı­sı­na­ qyz­metkerleri vaksınalana alady. Al 1 naýryzda bastalatyn ekinshi kezeńde jalpy bilim be­re­tin mek­tepterdiń, JOO-dyń pe­dagogteri, medısınalyq qyz­met­kerler ekpe alsa, 1 sáýir­den bas­­tap úshinshi kezeńde mektep-ın­ter­nattardyń, mektepke deıingi balalar mekemeleriniń pedagogteri, stýdentter jáne sozylmaly aýrýlary bar adamdar ekpe saldyrady.

Immýndaý aldynda egý saldyratyn adamǵa profılaktıkalyq egý, yqtımal reaksııalar men keri áseri, sondaı-aq egýden bas tartý saldary týraly tolyq aqparat beriledi. Erikti túrde aqparattandyrylǵan kelisim nemese bas tartý qaǵazy resimdeledi (QR DSM 13.06.2018 j. №361 buı­ryǵymen bekitilgen «Halyqqa profılaktıkalyq egýlerdi júrgizý boıynsha sanıtarııalyq-epıdemıologııalyq talaptar» BK 1-qosymshasyna sáıkes). Sondaı-aq ádistemelik usynymdarǵa 2-qosym­shaǵa sáıkes egilgenderge saýal­dama júrgiziledi.

Áıelderge vaksına salmas buryn júkti emes pe, bala emizbeı me, sony anyqtaý qajet (kúmándi jaǵdaıda júktilikke test jasaýdy jáne/nemese vaksınalaý merzimin aýystyrýdy usyný).

Sonymen qatar vaksınanyń qa­ýipsiz ekenin eskergen durys. Kez kelgen lısenzııasy bar vaksına birneshe satydan turatyn jiti tek­seristen ótedi, sodan keıin ǵana paı­dalanýǵa ruqsat etiledi. Vaksına na­ryqqa túskenen keıin de únemi baqylaýda bolady.