«Olar Atyraýǵa Mańǵystaý oblysynan arnaıy kelgen. Tekserý kezinde olardan uıaly telefondar, ınternet modemi, qulaqqaptar men qýattandyrǵysh qurylǵylar tabyldy. 25 jastaǵy eki azamattyń buryn sottalǵany belgili boldy», dep habarlady departamenttiń baspasóz qyzmeti.
Ustalǵan azamattar buǵan deıin de dál osyndaı quqyq buzýshylyq jasaǵan. Sol kezde sot olarǵa eskertý bergen eken. Al bul joly sot sheshimimen ekeýi de 20 táýlikke ákimshilik qamaýǵa alyndy.
«ÝG-157/9 mekemesiniń aýmaǵynda «Sergek» beınebaqylaý júıesi ornatyldy. Túrmeniń mańyna polısııa qyzmetkerleri únemi baqylaý júrgizedi. Al, tyıym salynǵan zattardy ótkizýge umtylý sekildi quqyq buzýshylar qatań jazalanatyn bolady», deıdi departament bastyǵy Manarbek Ǵabdýllın.
