Keshe Astanada Reseı Ǵylym akademııasy Ekonomıkalyq strategııalar ınstıtýtynyń halyqaralyq sarapshylar tobynyń «K novym vysotam» – jańa bıikterge» atty ujymdyq monografııasynyń tusaýkeseri ótti. Tusaýkeserge qatysqan halyqaralyq sarapshylar tobynyń ókilderi – Aleksandr Ageev (Reseı) pen Robın Metıýz (Ulybrıtanııa) monografııany jaryqqa shyǵarýǵa negiz bolǵan qaǵıdattar jóninde aıtyp berdi.
Keshe Astanada Reseı Ǵylym akademııasy Ekonomıkalyq strategııalar ınstıtýtynyń halyqaralyq sarapshylar tobynyń «K novym vysotam» – jańa bıikterge» atty ujymdyq monografııasynyń tusaýkeseri ótti. Tusaýkeserge qatysqan halyqaralyq sarapshylar tobynyń ókilderi – Aleksandr Ageev (Reseı) pen Robın Metıýz (Ulybrıtanııa) monografııany jaryqqa shyǵarýǵa negiz bolǵan qaǵıdattar jóninde aıtyp berdi.
Quramynda Ulybrıtanııa, Germanııa, AQSh, Shveısarııa jáne basqa da elderdiń ókilderi bar halyqaralyq sarapshylar toby jyl saıyn Reseı Ǵylym akademııasy Ekonomıkalyq strategııalar ınstıtýtynyń aıasynda álemniń 100 memleketiniń arasynda Integraldy qýat jóninde reıtıng jasaıdy. Bul reıtıng orys, aǵylshyn jáne qytaı tilderinde jaryq kóredi.
Jıynda sóz alǵan professor Aleksandr Ageevtiń aıtýynsha, negizinen álemdik reıtıngterdiń basym kópshiligi belgili bir ekonomıkalyq kórsetkishter qaǵıdalaryna arqa súıeıdi eken. Al Integraldy qýat jónindegi jahandyq reıtıng aldyńǵy qatarly matematıkalyq modelderge súıene otyryp, ekonomıkalyq kórsetkishterden basqa ishki saıası turaqtylyq, syrtqy saıasat, ulttyq qaýipsizdik, memleket basshylarynyń abyroı-bedeli men yqpaly, olardyń halyqaralyq qatynastar salasyndaǵy bastamalary sııaqty kóptegen faktordy eskerý negizinde jasalatyn kórinedi. A.Ageevtiń atap ótýinshe, 2013 jylǵa arnalǵan zertteýler boıynsha Qazaqstan Integraldy qýat jónindegi jahandyq reıtıngte 34-shi orynǵa turaqtapty. «Qazaqstan ekonomıkalyq damý salasynda aıtarlyqtaı tabystarǵa qol jetkizip, turaqty, egemendi memleket retinde aıaǵynan nyq turdy. Strategııalyq josparlaý – memlekettiń birtindep, satyly túrde jáne tabysty damýynyń eń mańyzdy alǵysharttarynyń biri. Búginde Qazaqstanda álemniń eń damyǵan 30 memleketiniń qataryna qosylý maqsat etilgen «Qazaqstan-2050» uzaq merzimdi strategııasy qabyldanyp, júzege asyrylýda. Bizdiń zertteýlerimiz boıynsha, Qazaqstan 2015 jylǵa qaraı Integraldy qýat jónindegi jahandyq reıtıngte birden 10 satyǵa kóterilip, 24 oryndy ıelenedi», dedi óz sózinde A.Ageev.
Al professor R.Metıýzdiń pikirinshe, Qazaqstan búginde joǵary ekonomıkalyq tabystarǵa qol jetkizip, medısına, ǵylym men bilim berý salalarynda halyqaralyq deńgeıge jetken. «Áleýmettik saıasat nátıjeli júrgizilýde, sonymen qatar, halyqaralyq bitimgershilik jobalarynyń tutas legi júzege asyrylýda. Sońǵy jyldary Qazaqstan túrli álemdik reıtıngterdiń basty kórsetkishteri boıynsha qarqynmen alǵa jyljýda. Osy jetistikterdiń barlyǵy Qazaqstannyń zor áleýetin kórsetedi. Buryn «Qazaqstan-2030» Strategııasy qabyldanyp, ol merziminen buryn júzege asyryldy. Zertteýlerdiń qorytyndysyna júginsek, álemniń eń beldi 30 memleketiniń qataryna qosylyp, «Qazaqstan-2050» Strategııasyn da merziminen buryn oryndaýǵa Qazaqstannyń tolyq múmkindigi bar. Bizdiń boljamdarymyz ben baǵalaýlarymyz boıynsha, qazirgi qarqynynan aıyrylmasa, bul mejege 2025 jyly da jetýi múmkin», dedi R.Metıýz.
Láıla EDILQYZY,
«Egemen Qazaqstan».
-------------------------------
Sýretterdi túsirgen Erlan OMAROV.
