Keshe Memlekettik basqarý akademııasynda Qytaı Halyq Respýblıkasynyń elimizdegi Tótenshe jáne ókiletti elshisi Le Iýıchen «Elshi saǵatyna» qatysyp, akademııanyń magıstranttary, doktoranttary men professor-oqytýshylar quramy aldynda «Qytaı Kommýnıstik partııasynyń Ortalyq komıteti 18-shi shaqyrylymynyń úshinshi plenýmy jáne Qytaıdaǵy reforma men ashyqtyqtyń jańa kezeńi» taqyrybynda dáris oqydy.
Keshe Memlekettik basqarý akademııasynda Qytaı Halyq Respýblıkasynyń elimizdegi Tótenshe jáne ókiletti elshisi Le Iýıchen «Elshi saǵatyna» qatysyp, akademııanyń magıstranttary, doktoranttary men professor-oqytýshylar quramy aldynda «Qytaı Kommýnıstik partııasynyń Ortalyq komıteti 18-shi shaqyrylymynyń úshinshi plenýmy jáne Qytaıdaǵy reforma men ashyqtyqtyń jańa kezeńi» taqyrybynda dáris oqydy.
Elshi myrzany jınalǵandarmen tanystyrǵan Akademııa rektory B.Ábdirásilov shekaralas jatqan elde sońǵy ótken partııa plenýmynda memlekettik basqarýdy reformalaý qajettigi aıtylǵanyna jáne onyń bizdiń el úshin de óte qyzǵylyqty bolyp otyrǵanyna toqtalyp, Le Iýıchennen qytaılyq tájirıbe jaıynda keńirek áńgimeleýdi ótindi.
– Dalanyń aıazdyǵy sizderdiń dostyq qabyldaýlaryńyzdan esh sezilmeıdi, aldymen sizderdi kúni keshe atalyp ótken Táýelsizdik merekesimen quttyqtaýǵa ruqsat etińizder. Meniń Qazaqstanǵa elshi bolyp kelgenime 4 aıdyń ǵana júzi boldy. Osy ýaqyt ishinde sizderdiń tabystaryńyzǵa kóńilim tolǵanyn jetkizgim keledi. Kóregen basshylaryńyzdyń arqasynda tamasha jetistikterge jettińizder, memleketterińizdiń irgesin nyǵaıtyp, ozyq 50 eldiń qataryna endińizder. Jaqyn kórshilerińiz – hanzý jurty sizderdiń osy tabystaryńyzǵa rııasyz qýanady, – dep sózin bastaǵan elshi ári qaraı óz eliniń tynysyn sóz etti.
Qytaı Kommýnıstik partııasynyń 18-shi shaqyrylymy úshinshi plenýmynyń búgingi ýaqytta asa zor mánge ıe bolyp otyrǵanyn aıtqan elshi onda kóterilgen máselelerdiń eldi reformalaý barysyndaǵy mańyzyna toqtaldy. Pleným sheshimin osydan 35 jyl buryn Den Sıaopın bastaǵan reformalarmen salystyrýǵa bolady. О́ıtkeni, sol jyldary Qytaı ekonomıkasy óte bir toqyraýǵa ushyraǵan kezeń edi, al sátimen júrgizilgen reforma eldi qazirgi deńgeıge kóterildi, endi aldymyzda jańa mindetter tizbegi tur, degen Le Iýıchen olardy eńsermesek eldiń qol jetkizgen jetistikterin ustap turýyna qıyndyq keledi, sondyqtan da partııa kótergen reformalaý baǵyty alǵa damýǵa jol ashady, dedi. Osy rette naryqty óristetýde kásipkerlikti qoldaýǵa, olardyń tynysyn keńeıtýge meılinshe jeńildikter qarastyrylǵanyn, sonyń nátıjesinde az ýaqyttyń ishinde eldegi kásipkerlerdiń sany kádimgideı artqanyn atap aıtty. Buryn kásipkerlikpen aınalysýǵa ruqsat alý úshin ǵana 33 vedomstvonyń esigin qaǵyp, 140 qujat daıyndaıtyn bolsa, endi «bir terezeden» qyzmet kórsetýdiń arqasynda qazir ol bir kún ishinde ǵana atqarylatyn bolypty.
Árıne, mundaı qadamdardyń onsyz da álemdik ekonomıkada kóshbasshylyqqa umtylǵan eldiń tynysyn odan ári asha túsetini aıqyn.
Osy is-shara sheńberinde Memlekettik basqarý akademııasynyń basshysy B.Ábdirásilovtiń QHR-dyń Qazaqstandaǵy Tótenshe jáne ókiletti elshisi Le Iýıchenmen kezdesýi barysynda meıman Akademııa qyzmetiniń negizgi baǵyttary men onyń damý keleshegi týraly habardar bolýmen qatar, qos tarap memlekettik qyzmetshilerdi, sondaı-aq, dıplomatııalyq kadrlardy daıarlaýdaǵy yntymaqtastyqty damytý boıynsha pikir almasty.
Anar TО́LEÝHANQYZY,
«Egemen Qazaqstan».
