"Bizdiń mektep Global School jobasyn iske asyrý arqyly tehnologııalyq jáne ınjenerlik mamandyqtar boıynsha erte kásiptik baǵdar berýge basa nazar aýdarady. Global School - oqýshylardyń óz jobalaryn iske asyrýǵa arnalǵan ózindik hab. Mektep IT jáne STEM-zerthanalarmen jabdyqtalǵan, bul balaǵa óz bilimin qoldanýǵa múmkindik beredi. Sondaı-aq, mektep qashyqtan oqytýǵa arnalǵan kópfýnksıonaldy onlaın-stýdııamen jabdyqtalǵan, onda muǵalimder onlaın sabaqtar, vebınarlar jáne tikeleı efırler ótkize alady. Beligili bir kólemde qashyqtan oqytý júrgiziletinin eskersek, mundaı stýdııa qazir óte qajet", – dep atap ótti №89 mektep-lıseıiniń dırektory Beıimbet Muhamedıev.
Sondaı-aq, mektep ınklıýzııa kabınetimen jabdyqtalǵan, onda balalarǵa kúndelikti qajetti jeke qoldaý kórsetiledi.
Elorda ákimdigi erekshe qajettiligi bar balalarǵa jaǵdaı jasaýǵa aıryqsha kóńil bóledi. Jańa kóppáterli turǵyn úı keshenderiniń birinshi qabattarynda shaǵyn ortalyqtar, ońaltý ortalyqtary ashylady, al ıppodrom bazasynda balalar ıppoterapııamen aınalysa alatyn jabyq manej qurylysy júrgizilýde. Sondaı-aq, ınvataksı sany eki ese artty. Bul baǵyttaǵy jumystar turaqty negizde júrgiziletinin atap ótý mańyzdy.
№85 mektep-lıseıdiń aýqymy 1 200 oqýshyny (eki aýysymda 2 400 oqýshy) qamtı alady. Ol №85 mekteptiń úsh aýysymdyq oqytý máselelerin, №76 jáne №75 mektepterdiń tyǵyzdyǵyn jeńildetedi.
Esterińizge sala keteıik, 2020 jyly Nur-Sultanda 12 mektep paıdalanýǵa berildi. Bul 2019 jylmen salystyrǵanda eki ese kóp.
2021 jyly 2020 jylmen salystyrǵanda eki ese kóp oqýshy orny qurylady, bul 2019 jylmen salystyrǵanda 4 ese kóp.
Sonymen qatar, úsh aýysymda oqytatyn mektepter sany 8-den 4-ke deıin, al oqýshy sany tym kóp mektepter 22-den 14-ke deıin qysqardy.
Keshendi jospar aıasynda 5 jyldyq kezeńge 50-ge jýyq memlekettik mektep salý josparlanǵan. Sondaı-aq, Memleket basshysy barǵan №23 orta mekteptiń (О́ndiris turǵyn alaby) aýmaǵynda bes qabatty mekteptiń qurylysy júrgizilip jatyr. Sonymen qatar mektepter salýǵa jekelegen ınvestısııa da tartylyp jatyr.
