Otyrysta depýtattar EAEO sheńberinde aýyl sharýashylyǵy janýarlarymen seleksııalyq-asyl tuqymdyq jumys júrgizýdi birizdendirýge baǵyttalǵan sharalar týraly kelisimdi ratıfıkasııalaý týraly zań jobasyn maquldady. Kelisim Eýrazııalyq ekonomıkalyq odaq sheńberinde aýyl sharýashylyǵy janýarlarymen seleksııalyq-asyl tuqymdyq jumys júrgizý máseleleri boıynsha kelisilgen (úılestirilgen) agroónerkásiptik saıasatty iske asyrýǵa baǵyttalǵan.
Onyń ishinde, aýyl sharýashylyǵy janýarlarynyń jasalǵan tıpterin, jelilerin (tuqymdaryn) jáne krostaryn aprobasııadan ótkizý kózdelgen. Sonymen qatar, asyl tuqymdy ónimge molekýlıarlyq genetıkalyq saraptama júrgizýdi, asyl tuqymdy janýarlardyń tuqymyn aıqyndaýdy jáne olardyń asyl tuqymdyq qundylyǵyn baǵalaýdy birizdendirý arqyly iske asyrý qarastyrylǵan. Bul sharalar EAEO sheńberinde asyl tuqymdy mal sharýashylyǵynyń ortaq naryǵyn damytýǵa jáne ózara saýdadaǵy kedergilerdi joıýǵa alyp keledi dep kútiledi. Bul óz kezeginde otandyq asyl tuqymdy ónimniń básekege qabilettiligin arttyrady. Sonymen qatar, depýtattar jalpy otyrysta genetıkalyq saraptama júrgizý úshin respýblıkada tıisti materıaldyq-tehnıkalyq baza, sondaı-aq, elimiz asyl tuqymdy maldardy EAEO-tyń qandaı elderimen, qandaı kólemde aıyrbastap kelgeni týraly máselelerdi qozǵady.
Nurlan Nyǵmatýlın osy zań jobasyn talqylaý kezinde depýtattar tarapynan Reseı Federasııasynan asyl tuqymdy maldardy ákelý úshin birqatar kedergiler oryn alatyny týraly pikirler aıtylǵanyn, al osy ratıfıkasııany qabyldap, oǵan Memleket Basshysy qol qoıǵannan keıin ol TMD elderinen asyl tuqymdy maldardy kedergisiz alyp kelýge jol ashatyn atap ótti.
Palata Tóraǵasynyń aıtýynsha, osy máseleni Májilis zań jaǵynan qamtamasyz etip otyr, al jaýapty mınıstrlik basqa memlekettik organdarmen birlesip, uıymdastyrý sharalaryn jasaýy qajet. Nurlan Nyǵmatýlınniń pikirinshe, bul aýylsharýashylyǵy salasynda jumys isteıtin kásipkerlerge kómek bolady.
Sonymen qatar, búgingi jalpy otyrysta Palata depýtattary Táýelsiz Memleketter Dostastyǵyna qatysýshy memleketterdiń avtokólik quraldaryn jymqyrýǵa qarsy kúrestegi jáne olardy qaıtarýdy qamtamasyz etýdegi yntymaqtastyǵy týraly kelisimge ózgerister engizý týraly hattamany ratıfıkasııalaý týraly zań jobasyn maquldady. Qujat TMD-ǵa qatysýshy memleketterdiń aýmaqtarynda avtokólik quraldaryna qylmystyq qolsuǵýshylyqtarǵa qarsy is-qımyl júıesin jetildirýge baǵyttalǵan.
Eskertpege sáıkes, aqparattyq derekqordy elimizdiń memlekettik shekarasyn kesip ótetin avtókólik quraldary týraly málimettermen tolyqtyryp turý máseleleri Qazaqstan Respýblıkasyna qoldanylmaıdy. Ishki ister mınıstrliginiń málimetterine sáıkes, sońǵy 15 jylda Qazaqstanda 40 303 kólik urlanǵan. Onyń ishinde TMD elderinde bar bolǵany 223 avtokólik tabyldy, al Qazaqstanǵa qaıtarylǵany – 66.
Sonymen qatar, Palata búgin Qazaqstan men Mońǵolııa arasyndaǵy azamattyq jáne qylmystyq ister jónindegi ózara kómek týraly shartqa ózgerister engizý týraly hattamany ratıfıkasııalaý týraly zań jobasyn maquldady. Bul Hattama Qazaqstan Respýblıkasy men Mońǵolııa arasyndaǵy quqyqtyq máseleler boıynsha yntymaqtastyqty bekitýge baǵyttalǵan. Sondaı-aq eki eldiń azamattaryna azamattyq jáne qylmystyq sot isin júrgizý salasynda quqyqtyq kómek kórsetý máselelerinde ekijaqty áriptestikke jańa serpin berýge múmkindik beredi.
Sondaı-aq, otyrys barysynda Palata VII saılanǵan Qazaqstan Respýblıkasy Parlamenti Májilisiniń ókilettikterin iske asyrýdyń I sessııaǵa arnalǵan negizgi is-sharalar josparyn bekitti.
Atap aıtqanda, jospar negizgi 5 bólimnen turady. Birinshi sessııaǵa barlyǵy 35 negizgi is-sharalar ótkizý josparlanǵan, onyń ishinde Májilis komıteteriniń 9 keńeıtilgen taqyryptyq otyrystary, úkimettik saǵattar, 1 halyqaralyq konferensııa, 9 dóńgelek ústel jáne basqa da is-sharalar usynylyp otyr.
Májilistiń halyqaralyq jáne parlamentaralyq qyzmetin iske asyrý boıynsha sharalar jeke keste negizinde júzege asyrylatyn bolady. Jospar jobasy Májilistiń turaqty komıtetterinde pysyqtaldy ári ózekti máselelerden týyndaıtyn mańyzdy is-sharalardy qamtıdy.
Sonymen qatar, eldegi sanıtarlyq-epıdemıologııalyq jaǵdaıdy eskere otyryp, atalǵan taqyryptyq otyrystardy beıne-konferens-baılanys formatynda ótkizý múmkindigi de qarastyrylǵan.
Otyrys sońynda Májilis depýtattary memlekettik organdar basshylaryna depýtattyq saýaldar joldady. Olar: G.Bıjanova, A.Qojahmetov, J.Omarbekova, A.Platonov, E.Saırov, D.Espaeva, A. Jumabaeva, K.Isa, A. Perýashev, A. Sembınov, G. Kýlahmetov, A. Mılıýtın, I. Smırnova, S. Abdrahmanov.
