Kollajdy jasaǵan Amangeldi Qııas, «EQ»
Ondaǵy maqsat – memlekettik organdar men kvazımemlekettik sektor qyzmetiniń ashyqtyǵyn ári aıqyndyǵyn qamtamasyz etý. Buǵan qol jetkizýge múmkindik beretin tıimdi jol – bıznes-prosester men memlekettik qyzmetterdi sıfrlandyrý. Bul rette qala qurylysy kadastrynyń qyzmetin sıfrlandyrý óte mańyzdy.
– О́ıtkeni barlyq jyljymaıtyn múlik nysandary, jer ústi jáne jer asty kommýnıkasııalary týraly aqparatty jınaýdyń, óńdeýdiń, tirkeýdiń, saqtaýdyń jáne usynýdyń biryńǵaı júıesin qamtamasyz etý – qala qurylysy kadastrynyń mindeti. Ony sıfrlandyrý nysandardy jobalaý, salý, paıdalaný jáne kádege jaratý prosesin monıtorıngileýge, óńir aýmaǵynda qurylys salýdy utymdy josparlaýǵa múmkindik beredi. Sondaı-aq jańa nysandardy ınjenerlik jelilerge qosýdy josparlaýdy, qoldanystaǵy kommýnıkasııalardyń qýatyn ulǵaıtýdy edáýir jeńildetedi ári qurylys jumystaryn júrgizý kezinde jelilerdiń apattyq jaǵdaıy tómendeıdi, – dep habarlady Indýstrııa jáne ınfraqurylymdyq damý mınıstrligi.
Belgili bolǵandaı, mınıstrlik ınfraqurylymdyq derekterdi qalyptastyrýdy 2018 jyldan bastap biryńǵaı avtomattandyrylǵan aqparattyq júıede júzege asyryp keledi. Eldi mekenderdiń qurylystary men ınjenerlik kommýnıkasııalaryn túgendeý arqyly sıfrlandyrady. Túgendeý jumystarynyń júzege asyrylýyna qaraı qala kadastry júıesi sýmen jabdyqtaý, káriz, sý burý, elektrmen jabdyqtaý, baılanys, gazben jabdyqtaý, jylýmen jabdyqtaý, kósheni jaryqtandyrý, jol qozǵalysyn uıymdastyrý jelileri jáne basqa da nysandar boıynsha sıfrly derektermen toltyrylady.
– Búginde sıfrly málimetterdiń shamamen 48 paıyzy (244,5 myń gektar) qalalyq kadastrdyń derekter bazasyna engizildi. Sıfrlandyrylǵan aýmaq derekteriniń 10 paıyzyn (54 myń gektar) jaqyn arada jergilikti atqarýshy organdar usynatyn bolady. Aýmaqtyń qalǵan 42 paıyzyn (234 myń gektar nemese 172 eldi meken) 2025 jylǵa deıin «Nurly jer» memlekettik baǵdarlamasy aıasynda sıfrlandyrý josparlanǵan, – delingen mınıstrliktiń habarlamasynda.
Infraqurylymdyq derekterdiń barlyǵy memlekettik qala qurylysy kadastrynyń ashyq kontýryna – Biryńǵaı geoaqparattyq ınfraqurylymdyq derekter platformasyna engiziledi. Atalǵan platforma 2020 jyly qanatqaqty rejimde iske qosylǵan bolatyn. Joba oń nátıje kórsetken. Biryńǵaı geoaqparattyq ınfraqurylymdyq derekter platformasy memlekettik organdardyń salalyq aqparattyq júıelerimen, óńirlik geoportaldarmen, salalyq kadastrlyq jáne basqa da ınfraqurylymdyq qyzmetter júıesimen ıntegrasııalanatyn bolady. Búginde 5 óńir (Batys Qazaqstan, Mańǵystaý, Almaty, Qaraǵandy jáne Túrkistan oblystary) geoaqparattyq júıesimen testilik ıntegrasııa júrgizilgen.
– Platformada sáýlet, qala qurylysy jáne qurylys qyzmetiniń barlyq qolda bar, salynyp jatqan, jobalanatyn jerústi jáne jerasty nysandary esepke alynyp, eldi meken aýmaqtarynyń damýyna monıtorıng júrgizilmek. Qoldanystaǵy ınjenerlik jeliler jańǵyrtylǵan, ózgergen ne jańadan salynatyn aýdandardyń jobalyq qujattamasy jańartylǵan jaǵdaıda, aqparat mindetti túrde Biryńǵaı geoaqparattyq ınfraqurylymdyq derekter platformasyna kelip túsetin bolady. Osylaısha, platformanyń derekqoryna tıisti aqparatty engizbeıinshe birde-bir ózgeris múmkin bolmaıdy, – dep habarlady mınıstrlik.
Biryńǵaı ınfraqurylymdyq platforma jobalaý jáne qurylys prosesiniń ashyqtyǵyn, áleýetti ınvestısııalyq jobalardy iske asyrýdy, bıýdjet qarajatyn ıgerýdi baqylaý men tıimdiligin qamtamasyz etý quralyna aınalmaq.
