Qaýipti vırýs, ásirese, Android operasııalyq júıesinde jumys isteıtin smartfon ıelerine qaýip tóndiredi. Telefon qoldanýshysyna messendjer arqyly smartfon utyp alý týraly usynyspen silteme keledi. Siltemeni basqannan keıin WhatsApp qoldanýshysy Google Play qosymshalar dúkenine uqsas dızaındaǵy saıtqa ótedi. Onda oǵan baǵdarlama ornatý usynylady.
Baǵdalama júktelgennen keıin ol sizge habarlama alýǵa ruqsat suraıdy. Jyldam jaýap berý fýnksııasyn qoldana otyryp, vırýs siltemeni basqa paıdalanýshylarǵa jiberedi. Mundaı habarlamalar saǵatyna bir ret kelýi múmkin. L. Stefankonyń aıtýynsha, bul zııan baǵdarlamany jasyrý úshin jasalady.
Sondaı-aq baǵdarlama fonda jáne basqa qosymshalarmen qatar jumys isteýge ruqsat suraıdy. Mundaı ádisterdi alaıaqtar smartfon ekranynda jarnamalardy kórsetip, aqsha tabý úshin jıi qoldanatyn kórinedi.
