«Sheteldik uıymdarda oqýǵa tyıym salý týraly aqparat shyndyqqa janaspaıdy. Qosymsha bilim alý – ár balanyń quqyǵy. Qosymsha bilimdi balalar tek bizdiń elde ǵana emes, basqa elderde, tipti qashyqtan ala alady», delingen habarlamada.
Sondaı-aq, Konstıtýsııaǵa sáıkes Qazaqstan azamattary mindetti orta bilim alýy kerek jáne ol memleket tarapynan qamtamasyz etiledi.
«Qazaqstan Respýblıkasynyń azamaty bolyp tabylatyn jáne Qazaqstanda ómir súretin bala elimizdegi bilim ordalarynda, ıaǵnı jalpy bilim beretin mektepterde, gımnazııalar, lıseıler nemese halyqaralyq mektepterde oqıdy. Qosymsha bilim retinde sheteldik mektepterde qashyqtan bilim alýǵa bolady. Eger balalar ata-anasymen birge shet memleketterge ýaqytsha qonys aýdarsa, onda balalardyń shetelde bilim alýyna eshqandaı shekteý joq», dep naqtylady bilim mınıstrliginiń baspasóz qyzmetinen.
