AKADEMIIаDAǴY NAÝRYZ TOIY

Qosshy aýylynda ornalasqan Qarjy polısııasy akademııasynda Naýryz meıramy erekshe bir kúıde merekelenip ótti. Olaı deıtinimiz, atalǵan oqý orny elimizdegi sybaı­las jemqorlarmen ymyrasyz kúres júrgizetin naǵyz qaısar, qaıtpas, alynbas qarjy polısııasy ma­mandaryn daıyndap shyǵarady. Al Naýryz meıramy qashanda bilik­tilik pen birlikke, sabyrlylyq pen tó­zimdilikke jáne ónerli bola bi­lýge shaqyrady. Mine, osy oraıda qa­ýipti keselmen kúres júrgizetin bo­­lashaq mamandar tek zańdy bilip, qý­dalaýdy ıgerýi ǵana emes, olar­dyń jan-jaqty qalyptasyp, bar ónerdi boılaryna jııýy ádil­diktiń aq jolynan taımaýyna áserin tıgizedi. Sybaılas jemqorlyqpen kúres tereńnen bastaý alýy kerek. Bul oraıda Memleket basshysynyń tikeleı bastamasymen elimizde jem­qorlyqqa  keń kólemdi soqqy berilip keledi. Sonyń arqasynda sy­baılastyq syrqaty biraz bá­sendep qaldy. Biraq, bastalǵan be­rekeli is orta jolda toqtap qalmas úshin onyń qýaty kúnnen kúnge arta túskeni jón. Ol úshin qaýipti keselge qarsy tura biletin jáne onymen ymyrasyz kúres júrgize alatyn mamandar qajet. Elimizde sybaılas jemqorlyqpen tikeleı kúres júrgizetin ózge de quqyq qorǵaý organdarymen qatar Eko­no­mı­kalyq qylmysqa jáne sybaılas jemqorlyqqa qarsy kúres agenttigi ekeni belgili. Al onyń qýatyna qýat qosyp, kúsh berip otyratyn Qarjy polısııasy akademııasy. Mine, jyl saıyn osy atalǵan oqý ornyna júzden asa tyńdaýshy qabyldanady. Máselen, byltyr 1-kýrsqa 120 tyńdaýshy alyndy. Olardyń bári jalpy bilim berý mektepterindegi biryńǵaı ulttyq synaqtardy jaqsyǵa tapsyryp, akademııanyń medısınalyq, psı­ho­logııalyq tekserýinen jáne dene shynyqtyrý daıyndyǵynan ótip, sońǵy úsh deńgeıli keshendi  kon­kýrs­tyq irikteýde aldyna jan salmaǵan órimdeı jastar. Olar osy birneshe satydan múdirmeı ótken soń akademııaǵa qabyldanyp, “Jas jaýyngerler kýrsy” men ma­man­dyq pánderin oqyp, áskerı saptyq daıyndyqty ıgerdi. Qazir tórt kýrs tyńdaýshylarynyń arasynda biliktilik, tapqyrlyq jáne jan-jaqty tálim-tárbıelik turǵysynan ózara básekelestik jarysy bas­ta­lyp ketkendeı. Sonyń bir kórinisi, ár kýrs tyńdaýshylarynyń Naý­ryz meıramyn ata-baba salt-dástúrine sáıkestendirip, laıyqty daıyn­dalýynan-aq baıqalyp turdy. Oqý alańynda aq shańqaı birneshe kıiz úı tigilipti. Joǵaryda aıtqanymyzdaı, atalǵan oqý ornynda tórt kýrs bar. Soǵan sáıkes  kýrs tyńdaýshylary tórt kıiz úıdi Naýryz meıramyna da­ıyn­daýdy óz jaýapker­shilik­terine alǵan. Jınalǵan jurt ár kıiz úıge bas suǵyp tyńdaýshylardyń óner­leri men erekshe bir tap­qyr­lyq­taryna baǵa beretindigi sózsiz. Mine, osy oraıda bir-birimen bá­sekege túsken tórt kýrstyń tyń­daý­shylary ónerlerin ortaǵa sal­dy. Ár kıiz úıdiń syrtqy be­zen­dirilýiniń ózi birden kóz tartyp, onyń aldynda ulttyq kıimdi tógildire kıgen birneshe jas jigitter men myń burala bılep júrgen arýlardyń qımyly tánti etedi. Qyz uzatý men kelin túsirý kórinisteri ádemi shyqty. Ásirese, adaldyq pen ádildik jolynda básekege túsken tyńdaýshylar óneri kórermendi razy qyldy. Aleksandr TASBOLATOV.