«Shymkent qalalyq mádenıet úıi» konserttik uıymy» MKQK dırektorynyń mindetin atqarýshy Sáken Maıǵazıev aldaǵy jumys josparlarymen tanystyryp, BAQ ókilderine brıfıng berdi.
– Aldaǵy ýaqytta ataýly datalar boıynsha 9 mádenı is-shara, sonymen qatar respýblıka kóleminde birneshe baıqaýlar, shetel ónerpazdarynyń birneshe konsertteri men respýblıkamyzǵa tanymal «О́ner juldyzdarynyń 100 konserti – Shymkentte!» atty konserttik baǵdarlamalar uıymdastyrý josparymyzda bar. QR Mádenıet jáne sport mınıstrligimen birlesip atqarylatyn mádenı is-sharalar boıynsha «Mádenıetter toǵysy» I-respýblıkalyq folklorlyq forým-festıvaline, QR Táýelsizdiginiń 30 jyldyǵyna arnalǵan «Syrly saz-Nurly Otanǵa» kerýen poıyzy, «Álem saz» I-halyqaralyq festıvaline jáne «Sálem Elorda» II-respýblıkalyq óner festıvali aıasynda ótetin is-sharalarǵa qatysý oıda bar. О́nerpazdardyń respýblıka boıynsha Aqtaý, Atyraý, Qyzylorda, Astana, Almaty qalalaryna gastroldik issaparmen konsertter qoıý jáne 30 konsertin berýdi josparlap otyrmyz. Aıta ótý kerek, karantın sharalaryna baılanysty josparlar ózgerýi de múmkin, – dedi Sáken Qordabaıuly.
«Shymkent qalalyq mádenıet úıi» konserttik uıymy» 2014 jyldan beri qyzmet atqaryp keledi. Búgingi tańda mekeme ǵımaraty Túrkistan saraıynda ornalasqan. Onda 1300 orynǵa arnalǵan kórermen zaly, grım bólmeleri, orkestr, bı ujymdaryna arnalǵan bólmeler bar. Mádenıet ordasyna qarasty 5 mádenıet úıi men 5 klýb jumys isteıdi.
О́tken jyldyń qorytyndysy boıynsha Mádenıet jáne sport mınıstrligi uıymdastyrǵan «Sálem Elorda» respýblıkalyq festıvaline qatysyp jeńimpaz atandy. Sonymen qatar «Rýhanı qazyna-2020» respýblıkalyq festıvaline qatysyp «Úzdik qalalyq mádenıet úıi» nomınasııasyn jeńip alǵan bolatyn.
