2013 jylǵy 22 qazan Astana, Úkimet Úıi
«Erekshe qorǵalatyn tabıǵı aýmaqtardyń jerin bosalqy jerge aýystyrý erejesin bekitý týraly» Qazaqstan Respýblıkasy Úkimetiniń 2009 jylǵy 17 aqpandaǵy № 172 qaýlysyna ózgerister men tolyqtyrýlar engizý týraly
2013 jylǵy 22 qazan Astana, Úkimet Úıi
«Erekshe qorǵalatyn tabıǵı aýmaqtardyń jerin bosalqy jerge aýystyrý erejesin bekitý týraly» Qazaqstan Respýblıkasy Úkimetiniń 2009 jylǵy 17 aqpandaǵy № 172 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Erekshe qorǵalatyn tabıǵı aýmaqtardyń jerin bosalqy jerge aýystyrý erejesin bekitý týraly» Qazaqstan Respýblıkasy Úkimetiniń 2009 jylǵy 17 aqpandaǵy № 172 qaýlysyna mynadaı ózgerister men tolyqtyrýlar engizilsin:
kórsetilgen qaýlymen bekitilgen Erekshe qorǵalatyn tabıǵı aýmaqtardyń jerin bosalqy jerge aýystyrý erejesinde:
1-tarmaqtyń ekinshi bóligi mynadaı redaksııada jazylsyn:
«Memlekettik ekologııalyq saraptamanyń oń qorytyndysy bolǵan kezde, sharýashylyq qyzmettiń shekteýli rejımi belgilengen ýchaskelerdi ǵana, Qazaqstan Respýblıkasy Memlekettik josparlaý júıesiniń kujattarynda kózdelgen týrızm obektilerin, erekshe strategııalyq mańyzy bar sý sharýashylyǵy qurylystaryn salý jáne olardyń jumys isteýi úshin, sondaı-aq Qazaqstan Respýblıkasy Memlekettik shekarasynyń obektilerin yqtımal ornalastyrýdyń basqa joldary bolmaǵan kezde, olardy salý, jaıǵastyrý jáne kútip-ustaý úshin Qazaqstan Respýblıkasynyń Úkimeti belgilegen tártippen bosalqy jerge aýystyrý jaǵdaılaryn qospaǵanda, erekshe qorǵalatyn tabıǵı aýmaqtardyń jerin aýystyrýǵa jol berilmeıdi.»;
2-tarmaqtyń 3) tarmaqshasy mynadaı redaksııada jazylsyn:
«3) týrızm obektisi (budan ári – týrızm obektisi) – týrızm ındýstrııasynyń obektisi, onyń ishinde týrısterdi, kólikti, qoǵamdyq tamaqtandyrý obektilerin, oıyn-saýyq obektileri men quraldaryn, tanymdyq, saýyqtyrý, sporttyq jáne basqa da maqsattaǵy obektilerdi ornalastyrý úshin qajet, qurylysy Qazaqstan Respýblıkasy Memlekettik josparlaý júıesiniń qujattarynda kózdelgen ǵımarattar men qurylystar jıyntyǵy.»;
3-tarmaq mynadaı redaksııada jazylsyn:
«3. Memlekettik josparlaý júıesiniń qujattaryna engizgenge deıin aıqyndalǵan erekshe qorǵalatyn tabıǵı aýmaqta týrızm obektisin, sý sharýashylyǵy qurylysyn, Memlekettik shekara obektisin erekshe qorǵalatyn tabıǵı aýmaqtarda ornalastyrý oryndary erekshe qorǵalatyn tabıǵı aýmaqtar salasyndaǵy ýákiletti organmen yqtımal ornalastyrýdyń. basqa nusqalarynyń (oryndarynyń) bolmaýy turǵysynda kelisiledi.»;
5-tarmaq mynadaı mazmundaǵy ekinshi bólikpen tolyqtyrylsyn:
«Komıssııa usynǵan týrızm obektilerin, sý sharýashylyǵy qurylysyn, Memlekettik shekara obektisin erekshe qorǵalatyn tabıǵı aýmaqtardyń shekaralarynan tys yqtımal ornalastyrýdyń basqa nusqalary bolǵan jaǵdaıda ýákiletti organ erekshe qorǵalatyn tabıǵı aýmaqtardyń jerin bosalqy jerge aýystyrýdan dáleldi bas tartýdy usynady»;
8-tarmaq mynadaı redaksııada jazylsyn:
«8. Erekshe qorǵalatyn tabıǵı aýmaqtardyń jerin bosalqy jerge aýystyrýdyń bastamashylary tehnıkalyq-ekonomıkalyq negizdeme ázirlengennen keıin qorshaǵan ortany qorǵaý salasyndaǵy ýákiletti organ belgilegen tártippen qoǵamdyq tyńdaýlar ótkizedi.»;
mynadaı mazmundaǵy 9, 10, 11-tarmaqtarmen tolyqtyrylsyn;
«9. Tehnıkalyq-ekonomıkalyq negizdemeni erekshe qorǵalatyn tabıǵı aýmaqtardyń jerin bosalqy jerge aýystyrýdyń bastamashysy bekitedi jáne ol ýákiletti organǵa kelisý úshin jiberiledi.
10. Ýákiletti organmen kelisilgen tehnıkalyq-ekonomıkalyq negizdeme qorshaǵan ortany qorǵaý salasyndaǵy ýákiletti organ belgilegen tártippen memlekettik ekologııalyq saraptamaǵa jiberiledi.
11. Memlekettik ekologııalyq saraptamanyń oń qorytyndysyn alǵan tehnıkalyq-ekonomıkalyq negizdeme erekshe qorǵalatyn tabıǵı aýmaqtardyń jerin bosalqy jerge aýystyrý týraly Qazaqstan Respýblıkasynyń Úkimeti qaýlysynyń jobasyn ázirleýge negiz bolyp tabylady.».
2. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri S.AHMETOV.
