Densaýlyq saqtaý mınıstrliginiń málimeti boıynsha, 27 119 adam koronovırýs ınfeksııasynan emdelýde, olardyń ishinde 6 492 pasıent stasıonarda, 20 627 naýqas ambýlatorııalyq deńgeıde em qabyldaýda. Dertke shaldyqqandardyń arasynda 266 adamnyń jaǵdaıy aýyr, 39 pasıenttiń jaǵdaıy óte aýyr, 38 naýqas О́JT apparatynda jatyr.
Jıyn barysynda vıse-mınıstr koronavırýs vaksınasyn saqtaý úshin óńir ákimdikteri tońazytqysh qurylǵylaryn alyp jatqanyn atap ótti. Onyń aıtýynsha, vaksınany jetkizý jumysy negizgi 4 kezeńnen turady. Eń aldymen óndirýshiden biryńǵaı dıstrıbıýtordyń qoımasyna jetkiziledi. Odan keıin biryńǵaı dıstrıbıýtordyń qoımasynan óńirlerdegi densaýlyq saqtaý basqarmalarynyń dárihana qoımalaryna ákelinedi. Osydan keıin úshinshi kezeńde óńirlerdegi densaýlyq saqtaý basqarmalary bul vaksınalardy qalalar men aýdandardaǵy medısınalyq uıymdarǵa tasymaldaıdy. Tórtinshi kezeńde vaksına sol medısınalyq uıymdarda sapaly kúıde saqtalýy kerek.
«Vaksınalaý eki kezeńnen turady. Alǵashqy kezeńde 0,5 ml mólsherinde salynady. Osydan keıin ekinshi kezeńde 21 kúnnen soń 0,5 ml mólsherinde ekinshi komponent salynady. Vaksına bulshyq ettiń ishine jiberý arqyly ǵana egiletinin atap ótý kerek. Ony bulshyq etke salady. Iyqtyń syrtqy bóligine egedi. Vaksınany salmas buryn vaksına flakony bólme temperatýrasynda saqtalýy kerek. 0,5 ml dozany alatyn bir rettik shprıs qoldanylady. Jylytylǵan flakonnan 3 ml-ǵa deıin dozany alýǵa bolady. Iаǵnı bir flakon 5 adamǵa jetedi», dedi M.Shoranov.
M.Shoranov koronavırýs ınfeksııasyna qarsy «Spýtnık V» vaksınasynyń qandaı jaǵdaıda em bolmaıtyndyǵyn aıtyp berdi.
«Eń aldymen anamnezdegi aýyr allergııalyq reaksııalar, júktilik jáne bala emizý kezeńderi, 18 jasqa deıingi balalar jáne 65 jastan asqan qarttar. Qazirgi ýaqytta atalǵan sanattaǵy adamdardy vaksınalaý týraly derekterdiń az bolýynan, biz óndirýshiler usynatyn materıaldardy únemi zerttep otyramyz jáne osy sanattarǵa vaksınalardy qaýipsiz júrgizý týraly jańa aqparat túsken saıyn kórsetkishter keńeıtilip otyrady», dedi ol. Vıse-mınıstr preparatty baýyr men búırektiń sozylmaly aýrýy barlarǵa, qant dıabeti syndy endokrındik júıeniń aıqyn buzylysy baıqalǵandarǵa saqtyqpen qoldaný qajettigin eskertti.
«Qan túzilý júıesiniń aýyr syrqattarynda, epılepsııa, ınsýlt jáne ortalyq júıke júıesiniń basqa aýrýlarynda, júrek-qantamyr júıesi dertterinde, bastapqy jáne qaıtalama ımmýn tapshylyǵy men aýtoımmýndy, sondaı-aq, demikpe jáne sozylmaly obstrýktıvti ókpe aýrýlarynda saqtyq tanytý qajet. Dıabetpen jáne metabolıkalyq sındrom, atopııa men ekzema allergııalyq reaksııalary, sondaı-aq qaterli isik, qaterli qan aýrýlary bar naýqastarǵa vaksına salarda aǵza jaǵdaıyn jekeleı qarastyrý kerek. Iаǵnı bul jaǵdaılar absolıýtti qarsy kórsetilimderge jatpaıdy jáne vaksınalaý kezinde ár naýqastyń jalpy jaǵdaıyna baılanysty derbes taǵaıyndalýy tıis», dep túsindirdi ol.
Sonymen qatar vıse-mınıstr QazCovid-in qazaqstandyq vaksınasyn birinshi kezeńde shamamen 2 mln doza kóleminde óndirý josparlanǵanyn jetkizdi.
«Vaksına ınaktıvırlengen vırýs pen zııansyz adıývantqa negizdelgen, bul tehnologııa ýaqytpen tekserilgen jáne A gepatıtine, menıngokokk ınfeksııasyna, tumaýǵa, ish súzegine, kene ensefalıtine jáne taǵy basqa da burynnan qoldanylyp kele jatqan vaksınalardy óndirýde qoldanylady», dedi M.Shoranov. QazCovid-in vaksınasyn COVID-19-ǵa qarsy klınıkalyq zertteýdiń I jáne II fazalarynyń nátıjesi onyń qaýipsiz ekenin kórsetken. Birli-jarym jaǵdaılarda vaksına engizilgen jerde qyzarý, azdap kúıdirý, shanshý áserleri baıqalǵan. Bul aǵzanyń ımmýndyq júıesiniń engizilgen vaksınaǵa reaksııasy. Atalmysh belgiler zertteý hattamasynda kútiletin qubylys retinde qarastyrylǵan.
