Jýyrda ǵana AQSh-taǵy oqý-jattyǵý jıynyna qatysyp kelgen Qońqabaev elge kele sala, kásibı sharshy alańdaǵy úshinshi jekpe-jegine daıyndalyp jatyr. «Jospar boıynsha aqpan aıynyń sońynda kásipqoı mansabyndaǵy úshinshi jekpe-jegim ótetin bolady. AQSh-tan kelgen boıda soǵan daıyndyq ústindemin. Odan keıin ulttyq quramamen birge halyqaralyq jarystarǵa qatysýdy josparlap otyrmyn. Germanııa, Ispanııa, Bolgarııa elderinde týrnırler ótedi. Qaısysyna qatysatynymdy bapkerler ýaqyty jaqyndaǵanda jarııalaıdy. Aıta keterligi, bıylǵy maýsymdaǵy bar jumys eń basty maqsatym – Olımpıada chempıony ataný úshin jasalady», deıdi boksshy.
Qamshybek Qońqabaev jáne ulttyq quramanyń ózge de boksshylary aǵa jattyqtyrýshy Marat Jaqıevtiń basshylyǵymen AQSh-ta eki aptalyq jattyǵý jıynyn ótkizdi.
