Qazaqstan tennıs federasııasy taratqan aqparat boıynsha bul jarysta Melbýrnde karantınge baılanysty tolyq oqshaýlanyp, óz qonaqúı bólmelerinen shyǵa almaǵan sportshylar baq synaıdy. Olardyń arasynda qazaqstandyqtardan Elena Rybakına men Iýlııa Pýtınseva bar. 2 aqpanda bastalatyn atalǵan dodaǵa sondaı-aq kanadalyq Bıanka Andreeský, shveısarııalyq Belında Benchıch, Belarýs ókili Vıktorııa Azarenko, grekııalyq Marııa Sakkarı jáne taǵy basqa tanymal tennısshiler qatysady.
Aıta keteıik, «Úlken dýlyǵa» sanatyna jatatyn tórt iri jarystyń biri – Aýstralııanyń ashyq birinshiligi 8-21 aqpan aralyǵynda Melbýrnde ótedi. Aıtýly jarysta Qazaqstannyń alty tennısshisi óner kórsetedi. Olar – Elena Rybakına, Iýlııa Pýtınseva, Zarına Dıas, Iаroslava Shvedova, Aleksandr Býblık jáne Mıhaıl Kýkýshkın.
