“Elordany "Nur-Sultan-jaı̆ly qala" master-josparynyń tujyrymdamasy aıasynda damytyp jatyrmyz. Bıyl tartylys núkteleri men jasyl aı̆maqtar aı̆tarlyqtaı̆ ulǵaıady. Ekologııany jaqsartý men qala turǵyndarynyń ýaqyt ótkizýine qolaı̆ly oryn qurý úshin Nur-Sultandy kógaldandyramyz.
Budan basqa, aýlalar men qoǵamdyq keńistikterde (saıabaqtar, skverler, býlvarlar) aǵash otyrǵyzýdy jalǵastyramyz. Sonymen birge "Qazaq eli" alańy, Beı̆bitshilik jáne kelisim saraı̆y, Oqýshylar saraı̆y, vokzal, áýejaı̆, SOO, turaq keńistigi jáne t. b. aýmaqtarda aǵash otyrǵyzýdy josparlap otyrmyz”, - deıdi elorda ákimi.
Ákimniń aıtýynsha Memleket basshysynyń tapsyrmasyna sáı̆kes, qalany kógaldandyrýǵa erekshe kóńil bólinedi. Jalpy bıyl 120 myńǵa jýyq jasyl jelek (aǵashtar, butalar) otyrǵyz josparlanyp otyr. Elordanyń jasyl beldeýinde qazir 450 myńnan astam kóshet bar.
“Pandemııa bizge densaýlyqty saqtaý jáne sportpen shuǵyldaný qanshalyqty mańyzdy ekenin kórsetti. Medısına qyzmetkerleri, muǵalimder, qutqarýshylar jáne basqalar koronavırýspen kúreste aldyńǵy qatarda boldy. Pedagogtar, dárigerler men qutqarýshylardyń qurmetine taqyryptyq gúlzarlar men parkter ashyp, olardy abattandyrýdy josparlap otyrmyz”, - dedi qala ákimi.
Sonymen qatar "Astana Balet" mańyndaǵy aýmaqta jasyl baq, "Astana Opera" aýmaǵynda emen baǵy, al Trıatlon parkte sıren baǵy salynbaq. Qala jańa tústermen jarqyraı̆ túsedi.
“Elordanyń ár aýdanyn kógaldandyramyz. Elbasy suhbatynda elordanyń bas jospary ǵımarattardyń, jasyl jelekter men ormannyń sımbıozy retinde jasalǵanyn atap ótti. Bul taqyrypty jalǵastyramyz: qala turǵyndarynyń qatysýymen senbilikter, ekoaksııalar ótkizemiz. Qalany kógaldandyrýǵa árkim óz úlesin qosa alady.
Qurmetti qala turǵyndary men qonaqtary, sizder qaı̆ jerde kóbirek jasyl jelekti kórgilerińiz keledi, qalanyń qandaı̆ aýdandary men oryndaryn kógaldandyrý qajet?” - dep jazady qala ákimi.
