«Túrme adamdy sırek tárbıeleıdi. EYDU (OESR) elderinde jemqorlardy negizgi nemese qosymsha jaza retinde qoǵamdyq jumystarǵa tartýy kezdeısoq emes. Mysaly, Ulybrıtanııada sottalǵandarǵa «qoǵamnyń qaryzyn qaıtarý» degen jazýy bar keýdeshe kıgizip, olarǵa kóshe jumystaryn jasatady. Pıshologııalyq turǵydan bul tásil birshama tıimdi ári qoǵam zııankes qylmyskerlerdi tanıtyn bolady.
Orta jáne ortasha aýyr jemqorlyq qylmystary úshin qoǵamdyq jumystarǵa tartý qylmystyq zańnamamen rettelgenine qaramastan, Qazaqstanda sottar mundaı jazany múldem taǵaıyndamaıdy. Meniń oıymsha, eń aldymen kúshti aldyn alý áseri turǵysynan bul ınstıtýtty kúsheıtý qajet», dedi A.Shpekbaev.
