«Qurmetti dostar! О́zderińizge belgili, ótken elektoraldy naýqanda bizdiń partııa bir aıǵa jetpeıtin ýaqytta 7 mıllıonnan astam saılaýshyny qamtı otyryp, 28 myńdaı úgit-nasıhat is-sharasy men kezdesýler ótkizdi. Árbir qala men aýdanda 7 myńnan astam nurotandyq aǵa býyn ókilderimen, jastarmen, dárigerlermen, muǵalimdermen, jumysshylarmen, agrarshylarmen, kásipkerlermen, zııaly qaýymmen jáne basqa da azamattarmen kezdesti. Basqosýlar barysynda máseleler ashyq talqylanyp, partııanyń saılaýda kózdegen maqsaty tilge tıek etildi», dedi B. Baıbek.
Sondaı-aq ol «Nur Otan»-nyń jeńiske jetýine jas belsendilerdiń qosqan úlesi kóp ekenin aıtyp ótti.
«Esikten esikke» aksııasy aıasynda jasotandyqtar 1,4 mln úı men páterdi aralap, 6,2 mln úgit materıalyn taratty. О́ńirderde qoǵamdyq qabyldaý bólmeleri qarqyndy jumys istep, olarǵa 95 myń ótinish tústi. Bizdiń kandıdattarymyz ben senim bildirilgen tulǵalarymyz 48 myńnan astam adamdy qabyldady. Elbasy, partııa Lıderi Nursultan Nazarbaev ótken saılaý barysynda «Nur Otan»-nyń úgit-nasıhat naýqanyna belsendi qatysqany úshin 18 myńnan astam qatardaǵy belsendi men partııa jaqtastaryna alǵys hattar joldady. Olardyń 70%-ten astamy – aýdandar men shaǵyn qalalardyń turǵyndary. Marapattalatyndardyń 36%-ti – áıelder, 27% – 35 jasqa deıingi jastar», delingen jazbada.
Osy oraıda ol partııa bir aı ishinde jurtshylyqqa barlyq aýdanda, qalada jáne oblysta saılaýaldy ýádelerdi iske asyrý boıynsha jol kartalaryn usynatynyn atap ótti.
«Onda naqty nysanaly ındıkatorlar, jyldar boıynsha iske asyrý merzimderi, sondaı-aq jaýapty oryndaýshylary kórsetiledi. «Nur Otan» – maqsaty aıqyn, naqty ister partııasy! Qıyndyqty eńserip, jeńiske birge jetemiz!» dedi B.Baıbek.
