«Jyl basynda elimizde mańyzdy saılaý ótti. Parlament Májilisi men jergilikti máslıhat quramyna jańa azamattar keldi. Saılaý nátıjesinde eldiń basym bóligi «Nur Otan» partııasyna qoldaý bildirdi. «Nur Otan» partııasy saılaý qorytyndysy boıynsha jalpy 71,09% jınap, aıqyn basymdyqpen jeńiske jetti. Úlken jeńiste Sizderdiń de qosqan úlesterińiz mol. Qalalyq shtab quramynda eń mańyzdy qyzmetti abyroımen alyp shyqtyńyzdar. Mine, osy eńbekterińiz úshin Tuńǵysh prezıdentimiz, Elbasy Nursultan Nazarbaevtyń Alǵys haty tapsyrylyp jatyr. Barshańyzdy bul marapatpen shyn júrekten quttyqtaımyn! Aldaǵy besjyldyqta alǵa qoıylǵan jospar boıynsha aıanbaı eńbek etemiz degen senimdemin», dedi D.Káribek.
Shara sońynda marapattalǵan belsendiler Elbasyǵa óz alǵystaryn aıtty.
«Elimizdiń odan ári ósip-órkendeýine, «Nur Otan» partııasynyń baǵdarlamasyn júzege asyrýǵa barynsha atsalysatyn bolamyz», deıdi olar.
Atalmysh shara óte joǵary deńgeıde ótti. Estelikke kóptegen fotolar jasaldy.
Alaıda, pandemııaǵa baılanysty saqtyq sharalary saqtaldy. Is-sharaǵa qatysýshylardyń barlyǵynda bir rettik betperde men qolǵap boldy.
