Nátıjesinde, 2020 jyldyń maýsym aıynda seriktestiktiń qurylymdyq bólimshesi «Astanamotors» avtosalonynda Mamandandyrylǵan HQO qyzmet alýshylaryn jaıǵastyrý, sondaı-aq avtosalon servısin jaqsartý maqsatynda kólik quraldaryn tirkeý/qaıta tirkeý jelisi boıynsha qujattardy qabyldaýdy júzege asyrýǵa jumys orny uıymdastyryldy.
«Bavarııa avto ortalyǵy» saýda úıi» JShS-men memorandýmǵa otyryp, áriptes bolǵanymyzǵa jarty jyldan asty. Sodan beri «Astanamotors» avtosalonynda uıymdastyrǵan jumys orny arqyly 2009 qujat qabyldandy. Endi bizge qujattardy kóshiretin (skanerleıtin) 100 prınter syılap otyr. О́zara áriptestigimiz halyqqa qyzmet kórsetýde jemisti nátıjeler berýde», deıdi «Azamattarǵa arnalǵan úkimet» memlekettik korporasııasynyń Almaty qalasy boıynsha fılıalynyń dırektory Danııar Qyryqbaev.
«Bavarııa avto ortalyǵy» saýda úıi» JShS ókili óz tarapynan mamandandyrylǵan HQO-ǵa usynǵan tehnıkalardy (skanerler Hi-Speed Portable Scanner S520,5 Mega pixels, Max A4 size) fılıal ujymyna saltanatty túrde tabys etti.
Bul tehnıkalar Almaty qalasyndaǵy mamandandyrylǵan HQO-lardyń elektrondyq muraǵatyn qurý maqsatynda kólik quraldaryn tirkeý/qaıta tirkeý qujattaryn skanerleý úshin paıdalanylatyn bolady.
