Joba maqsaty: erekshe bilim alý qajettilikteri bar balalarǵa bolashaqta mamandyǵyna aınalatyn kásipti úıretý arqyly jańa múmkindik syılaý, balany jańa qyrynan ashý jáne damytý, erekshe balalardy áleýmettik beıimdeýge járdemdesý jáne olardyń bos ýaqytyn tıimdi ótkizýdi uıymdastyrý. Sonymen qatar anımasııa mektebi túlekterin bolashaqta jumyspen qamtý múmkindigin qarastyrý.
Oqýshylar alǵashqy aıda «Anımasııa negizderi» taqyrybyndaǵy jalpy dáriske qatysyp, anımasııa salasymen tanysady. Ári qaraı qyzyǵýshylyǵy men beıimine, múmkindigine qaraı birneshe topqa bólip oqytylady:
1-top - 2D animation toby;
2-top - 3D animation toby;
3-top - Stop Motion toby;
4-top - Sut-out animation (qaǵazdan qıylǵan anımasııa) toby;
5-top - Ermeksazdan anımasııa jasaý toby
Anımasııalyq mektep kýrsqa qatysýshylardy 5 topqa bólip, arnaıy oqý kestesine sáıkes bilim beredi. Negizgi sabaq kestesinen bólek, anımasııa salasyna qatysty sheberlik synyptary uıymdastyrylady. Bul sheberlik sabaqtaryna elimizdegi bilikti mamandar tartylady.
Jobaǵa 14-16 jastaǵy 30 bala iriktelip, oqytý naýryz-tamyz aılary aralyǵynda onlaın formatta júrgiziledi.
Oqýshylardy qabyldaýda qoıylatyn talaptar:
-Kórý, estý, oılaý qabiletiniń qalypty bolýy;
-Beıneleý ónerine, anımasııa salasyna degen qyzyǵýshylyq deńgeıi eskeriledi.
Oqý kýrsy aqysyz negizde, qaıyrymdylyq jobasy retinde júzege asyrylady. Oqytý «Qazaqstan» teleradıokorporasııasynyń uıymdastyrýymen jeke anımasııalyq stýdııalardyń, elimizdegi jetekshi mýltıplıkasııa mamandarynyń atsalysýymen erikti túrde júrgiziledi.
«Erekshe bilim alý qajettilikteri bar balalarǵa arnalǵan anımasııa mektebine» ótinimder balapantv@kaztrk.kz el.poshtasy arqyly 22 aqpanǵa deıin qabyldanady. О́tinish berýshi aty-jóni, jasy, baılanys nómirin jazyp, kýrsty tańdaý sebebi týraly aýdıo nemese vıdeo joldaı alady. О́tinimderdi arnaıy qurylǵan irikteý komıssııasy qarastyrady.
Qosymsha aqparat: 8 (717) 2 75 70 89, +77784128880.
