Myqtylar kóshin Hosep Gvardıola bastap tur. 18 qańtarda 50 jasqa tolǵan Ispanııanyń azamaty 2016 jyldan beri aǵylshyndardyń «Manchester Sıtı» klýbyn baptaýda. Aıtýly komandamen birge eleýli tabystarǵa qol jetkizgen ol Premer-lıganyń eń úzdik bapkerine tıesli arnaıy syılyqty eki márte ıelendi. Qazirgi kezde de «Manchester Sıtı» óz eliniń ishki birinshiliginiń jarys kestesinde kósh bastap tur. Gvardıoladan keıingi oryndarǵa argentınalyq Dıego Sımeone («Atletıko»), portýgalııalyq Joze Moýrınıý («Tottenhem») jáne germanııalyq Iýrgen Klopp («Lıverpýl») pen Ralf Rangnık syndy maıtalman mamandar jaıǵasty.
Bir keremeti, «TOP-50» bapkerdiń qatarynda Qurban Berdyev ta bar. 68 jastaǵy maman kezinde Almatynyń «Qaıratynyń» sapynda óner kórsetip, birer ýaqyt dál sol komandany jattyqtyrǵanyn jankúıerler jaqsy biledi. Shyn máninde myqty bapker retinde Qazannyń «Rýbın» klýbynyń tizginin ustaǵan jyldary ol ózin túbegeıli moıyndatty. Úzdikter tiziminde Berdyev 27 orynǵa turaqtady.
