Osyǵan oraı onlaın-formatta uıymdastyrylǵan sharaǵa Energetıka mınıstri Nurlan Noǵaev, Skolkovo Máskeý basqarý mektebi energetıka ortalyǵynyń atqarýshy dırektory Irına Gaıda, S.О́tebaev atyndaǵy Atyraý munaı jáne gaz ýnıversıteti dırektorlar keńesiniń tóraǵasy Uzaqbaı Qarabalın men atalǵan bilim ordasynyń ındýstrıaldyq komıtet músheleri, MVA baǵdarlamasynyń tyńdaýshylary qatysty.
«Bul baǵdarlama tek óńirdiń ǵana emes, elimizdiń ındýstrııasyna ulttyq kadrlardy daıarlaýǵa yqpal etedi, – deıdi S.О́tebaev atyndaǵy Atyraý munaı jáne gaz ýnıversıtetiniń rektory Gúlzada Shakýlıkova. – О́ıtkeni kóshbasshy mamandy tek úzdiksiz kásibı jáne jeke damý ǵana erekshelendiredi».
Onyń aıtýynsha, Deo-design executive officer túsinigi qoldanysqa endi. Bul – problemalardy sheshetin strategııalyq kóshbasshy men shyǵarmashylyq tulǵanyń qosyndysy. Mundaı kóshbasshylar eshqandaı kedergilerge qaramastan jetistikke jetýge múmkindik beretin sıpattamalarǵa, minez-qulyqqa jáne mentalıtetke ıe. Sol sebepten S.О́tebaev atyndaǵy Atyraý munaı jáne gaz ýnıversıtetindegi MVA baǵdarlamasy mansabyn odan ári damytýdy, sondaı-aq qoǵamnyń damýyna úlesin qosýdy kózdeıtin kóshbasshylarǵa arnalyp otyr.
«Kez kelgen memlekettiń damýynyń negizi – bilim men ǵylymdy jetildirý. Buǵan oqý ornyndaǵy MVA baǵdarlamasynyń qosatyn úlesi zor. Munda dáris beretin qazaqstandyq jáne sheteldik iri kompanııalardyń tájirıbeli oqytýshylary men tanymal sarapshylary modýldik nysandaǵy jumystan qol úzbeı oqytýdy, sheteldik taǵylymdamany, kommýnıkasııalyq múmkindikti keńeıtýdi kózdeıdi» deıdi Gúlzada Shakýlıkova.
