Aýdan ákimi Musa Qaldarbekov mereıtoı ıesin quttyqtap, qurmet kórsetti. «Nur Otan» partııasy oblystyq fılıaly tóraǵasynyń birinshi orynbasary Láıla Tóreshova partııa tóraǵasynyń birinshi orynbasary Baýyrjan Baıbektiń quttyqtaýyn tabystady. Oblystyq mádenıet, arhıvter jáne qujattama basqarmasy basshysynyń orynbasary Nurshat Naýryzbaeva aımaq basshysynyń «Qurmet gramotasyn» jáne basqarma basshysynyń quttyqtaýyn tabys etip, izgi lebizin jetkizdi.
Qazaqstannyń eńbek sińirgen qaıratkeri Almas Almatov mereıtoı ıesine «Er Edige» dastany jyrynyń aýdıo nusqasyn syıǵa tartty. Elimizge tanymal jyrshy Uljan Baıbosynova júrgizgen keshte Aral óńirindegi Nurtýǵan jyr mektebiniń ókili Aıbek Táńirbergenov, jyrshy - jyraýlar Serik Jaqsyǵulov, Beısenbek Tóleýbaev pen mereıtoı ıesiniń shákirtteri Aıgerim Eshbaeva, «Daryn» memlekettik jastar syılyǵynyń ıegeri Kúnsulý Túrikpen, Toǵjan Baqytova , Malıka Aldamjarova jyrdan shashý shashty.
