Ońtústik Qazaqstan oblysy Shardara aýdanyndaǵy Halyq banki bólimshesinen 63 mln. 28 myń teńge qoldy boldy. Bul týraly Otyrar.kz habarlady.
Qylmyskerler bank bólimshesiniń terezesinen kirip, aqsha turǵan bólmeni buzyp kirgen. Al osy kezde ondaǵy kúzetshi uıyqtap qalǵan kórinedi. Sol sebepti eshqandaı dybys estimegen. «Jaqyn arada buqaralyq aqparat quralynda Sharada aýdanyndaǵy Halyq banki bólimshesiniń jetekshisi men ondaǵy kúzetshiniń ustalǵany týraly aıtyldy. Bul tusta tek kúzetshiniń ǵana jaýapqa tartylǵanyn eskertkim keledi. Ony qamaýǵa alý jóninde sheshim qabyldandy»,- deıdi Shardara aýdanynyń prokýrory Talǵat Seıdýalıev.
Qazir bul bank tóńireginde ártúrli áńgime aıtylýda. Al quqyq qorǵaý qyzmetkerleri basty kúdikti retinde kúzetshige kúmán keltirip otyr. Bul is boıynsha qazir tergeý amaldary júrgizilýde. Anyǵy, sol kúni bank bólimshesin kúzetken azamat jaýapkershilikten sytylyp kete almaıdy. Bul jóninde birqatar basylymdar quqyq qorǵaý qyzmetkerleriniń pikirin dálel retinde jarııalady.
Baqytbek Keneshuly.
Derekkóz Otyrar.kz:
Foto: «Novyı regıon-2»
