AQSh prezıdenti Barak Obama Sochıdegi Olımpııa oıyndaryna qatysatyn resmı delegasııa quramyn atap ótti. Bul týraly ITAR-TASS habarlady.
Barak Obama men onyń jubaıy, sondaı-aq vıse-prezıdent te Sochıge baratyn AQSh delegasııasy quramyna kirgen joq. Barak Obama munyń sebebin jumys kestesiniń tyǵyzdyǵymen túsindirdi. «Prezıdent AQSh sportshylaryn maqtan tutady jáne olarǵa Vashıngtonnan jankúıer bolyp, qoldaý kórsetedi», – dep jazyldy Aq úıdiń habarlamasynda.
Sochıdegi Olımpııa oıyndarynyń ashylý saltanatynda AQSh delegasııasyn basqarý ishki qaýipsizdik mınıstri Djanet Napolıtanoǵa tapsyryldy. Onymen qatar, saltanatty sharaǵa prezıdenttiń kómekshisi Robert Neıbors, Reseıdegi AQSh elshisi Maıkl Makfol, tennısshi Bıllı Djın Kıng pen mánerlep syrǵanaýdan Olımpııa oıyndarynyń chempıony Braıan Boıtano qatysady.
Aıdar О́risbaev.
Derekkóz: Itar-tass.com
Foto: Kapital.kz
