Qaladaǵy zamanaýı kitap úılerine qatysty instagram paraqshasynda jazǵan B.Saǵyntaev kitaphanalardyń shań basqan kitap qoımasy emes, rýhanııat ordasyna aınalyp otyrǵanyn jetkizdi. Osy oraıda Altynsarın dańǵyly, 37 mekenjaıynda ornalasqan jazýshylar kitaphanasyna barǵan qala basshysy ákimdiktiń qoldaýymen jaryqqa shyqqan sóz sheberleri basylymynyń tanystyrylymyna qatysyp, jalpy taralymy 65 myń dana bolatyn 30 túrli kitap qala kitaphanalaryna taratylǵanyn jetkizdi. Sonymen birge B.Saǵyntaev Alataý aýdanyndaǵy jańartylǵan №44, Túrksibtegi №26 men №1 kitaphanalarynyń jumysymen tanysty. «Kitap saqtaýdyń zamanaýı júıesi ondaǵy bos aımaqty tıimdi paıdalanýǵa, ıaǵnı shyǵarmashylyq, sheberlik sabaqtaryn, otbasylyq oqý saǵattaryn ótkizýge oryn bólýge múmkindik beredi. Biz kitaphanalardyń jumys ýaqytyn barynsha uzartyp, demalyssyz qyzmet kórsetýine tyrystyq. Kitaphananyń barynsha qoljetimdi ári kelýshiler úshin qyzyqty bolýyna mán berdik. Osy maqsatta tanymal jáne jas jazýshylarmen kezdesýler, shyǵarmashylyq keshter men taqyryptyq úıirmeler ótkiziletin bolady», dedi ákim.
ALMATY
