Eýropa Odaǵy 2016 jylǵa belgilengen temeki ónimderine qatysty zańdaryn qaıta kúsheıtti. Bul týraly ITAR-TASS habarlady.
Eýropa Odaǵy Keńesi temeki ónimderin óndirý men satýǵa, onyń qorabyn ázirleý men elektrondy temeki satý tártibi boıynsha jańa shekteýler qoıdy.
Zańnamaǵa sáıkes, temeki ónimderi saqtalatyn qorap syrtynyń 65 paıyzy onyń zııandylyǵyn kórsetetin eskertpelermen toltyrylýy qajet. Sondaı-aq qorapta mindetti túrde «Shylym shegý ólimge aparady» jáne «Temeki tútininde qaterli isiktiń paıda bolýyna yqpal etetin 70-ten asa zııandy zat bar» degen málimetter jazylýy tıis. Al ázirge 2007 jyly bekitilgen nusqaý boıynsha temeki qorabynyń 30 paıyzy ǵana atalmysh sıpattaǵy eskertpelermen toltyrylady.
Eýropa Odaǵy sondaı-aq hosh ıistendirgishterge de tıym salady. 2016 jyldan bastap Eýropada vanıl men jemisterdiń, al 2020 jyldan bastap jalbyzdyń ıisi bar temekilerdiń óndirilýi men satylýyna tıym salynady. Bul shara jastardyń, ásirese, jas qyzdardyń temekige degen qyzyǵýshylyǵyn tómendetedi dep kútilýde.
Aıdar О́risbaev.
Derekkóz: Itar-tass.com
Foto: Radiovesti.ru
