Bıyl Qyzylorda oblysyndaǵy «Qaısar» fýtbol komanadasyna 45 jyl. Osy aralyqqa deıin qol jekizgen jetistikteri de bar. Bul týraly «Habar» telearnasy habarlady.
Jetistikpen qatar qordalanǵan túıindi túıtkildiń bolǵany jasyryn emes. Klýb oıynshylary aldyndaǵy qaryzy saldarynan Qazaqstan chempıonatynyń premer-lıgasyna qatysa almady. Alaıda, oblys ákimdiginiń qoldaý kórsetýi nátıjesinde bıýdejetten tys túsken qarajattar arqyly qaryzdar tolyǵymen ótelgen. Oblys ákimi Qyrymbek Kósherbaev fýtbolshylardyń jaǵdaıyn jaqsartý maqsatynda avtobýstardyń bólinýine de yqpal jasady. Munan ózge, oıynshylardyń sheberligin shyńdaý maqsatynda sheteldegi oqý-jattyǵýǵa qatysýǵa múmkindik berildi.
Týrnır kestesine zer salsaq, komanda jattyǵý jumystaryn josparǵa saı júrgizdi. Bıylǵy jyldyń qorytyndysy boıynsha klýb 34 oıyn ótkizip, onyń 23-i utys, 3 oıyny utylys, 8-i teń aıaqtalǵan. Jalpy, birinshilik qorytyndysymen 74 upaı jınaǵan «Qaısar» fýtbol komandasy birinshi lıganyń chempıony atandy. Sondaı-aq, keler maýsymdaǵy premer-lıgaǵa joldama aldy.
Burynǵy olqylyqty qaıtalamas úshin klýbqa bólingen qarajatqa qatań baqylaý ornatyldy. Sonyń nátıjesinde 40 mln. teńge únemdelgen. Qazirgi kezde klýb ǵımaratyna júrgizilip jatqan jańǵyrtý jumystary aıaqtalyp qaldy.
Baqytbek Keneshuly.
Derekkóz: «Habar» telearnasy.
Foto: Vesti.kz
