Kıberqylmyskerler aıla-tásilderin túrlendirýde. 66 jastaǵy petropavldyq aqyr sońyna deıin qaskóıge senbegenimen, 2 mıllıon 700 myń teńge qarajatynan aıyrylǵan. Ol ózin telefonmen banktiń qaýipsizdik qyzmetiniń qyzmetkerimin dep tanystyryp, klıenttiń shotynan belgisiz bireý iri kólemdegi somany almaq bolyp jatyr degen. Tranzaksııaǵa jol bermeý úshin bank kartasynyń pın-kodyn ataý kerektigin aıtqan. Er adam BAQ-tan alaıaqtardyń áreketteri jaıly bilgen, qylmysker klıenttiń shotynda jatqan somany jáne onyń sońǵy ýaqytta qandaı qarjy operasııasyn jasaǵany týraly aıtyp, arbaýyna túsirgen. Bul sózderge sengen er adam pın-kodyn jaıyp salyp, bar jıǵan-tergen qarajatynan aıyrylǵan Petropavl qalasynyń PB Ekinshi polısııa bóliminiń qyzmetkerleri atalǵan faktini QR Qylmystyq kodeksiniń 190-baby (Alaıaqtyq) boıynsha Sotqa deıingi tergep-tekserýlerdiń biryńǵaı tizilimine tirkedi.
– Bul jaǵdaı birli-jarym emes. Alda qylmyskerlerdiń naqty málimetti qaıdan alǵanyn anyqtaý kerek. Ázirge alaıaqtardyń qupııa aqparatqa qandaı jolmen qoljetkizgenin bilý qajet bolyp tur. Senimge kirý, olar esimi men jasyn, JSN men úıiniń mekenjaıyn, banktegi shotynyń jaǵdaıyn aıtady. Degenmen, aqshaǵa qoljetkizý úshin olarǵa kartanyń pın-kody nemese sms-habarlamadan bir rettik qupııa sóz qajet. Bul málimetterge alý úshin olar psıhologııalyq qysym kórsetedi. Bankke jeke habarlaspaýyna senimdi túrde keńes beredi. Batyl, nyq sóılesip, keıde qysymshylyq jasaýy da múmkin- mundaı jaǵdaılardyń birin bizdiń qyzmetkerler QR QK 115-baby (Qorqytý) boıynsha SDTBT engizdi, deıdi Ekinshi PB bastyǵy Rýslan Syzdyqov.
Naqty bank qyzmetkerleri telefonmen klıentterden qupııa derekterdi eshqashan talap etpeıtinin esten shyǵarmaǵan jón. Kúdik týǵyzǵan qońyraý shalǵan ýaqytta abzaly sóılesýdi birden doǵarǵan jáne lezde bankke jeke júgingen durys nemese resmı saıtta kórsetilgen Call-ortalyqqa telefonmen habarlasý qajet. Polıseıler adamdardy saq bolýǵa, úreıge boı aldyrmaýǵa shaqyrady.
