«Birinshi dozany alǵan soń karantınge oqshaýlanýdyń qajeti joq. Men qazir jumysqa baramyn. Vaksınadan keıingi kútimdi ustanýǵa tyrysamyn. Degenmen barshańyzdy karantın rejımin saqtaýǵa shaqyrǵym keledi, óıtkeni adam vaksına alsa da, keıbir jaǵdaılarda belgili bir vırýstardyń tasymaldaýshysy bolýy múmkin. Vaksınalaý arqyly eń aldymen ózińizdi qorǵaısyz, óz aǵzańyzdyń vırýs juqtyrý múmkindigin azaıtasyz. Biraq siz aǵzańyzdy ózińizge shabýyl jasaı alatyn vırýstardan bosatpaısyz. Bul vaksına sizdiń deneńizdi aýrýlardan qorǵaıdy», dep túsindirdi Erlan Qııasov.
Aıta keteıik, koronavırýsqa qarsy vaksınany 21 kúndik aralyqpen eki kezeńmen engizý kerek. Birinshi doza antıdenelerdiń az mólsherin óndirýge baılanysty qysqa qorǵanys áserin beredi. Ekinshi doza birinshisiniń áserin kúsheıtedi jáne nyǵaıtady, adam organızmindegi antıdeneler sany artady.
