Jalpy, ekpeni salýdyń alǵashqy kezeńinde 1450 adamǵa koronavırýs ınfeksııasyna qarsy vaksına salynbaq. Qazir osynsha kólemdegi ekpe dozasy oblysqa jetkizilgen. Egý kezeginde Eńbekshiqazaq, Qarasaı, Qaratal aýdandary men Taldyqorǵan qalasyndaǵy medısına mekemeleriniń qyzmetkerleri tur.
Al ekpe saldyrýǵa erekti túrde kelgen sheneýnikter arasynda oblys ákiminiń eki orynbasary men densaýlyq saqtaý basqarmasy basshysynyń orynbasary jáne oblystyq sanıtarlyq epıdemııalyq basqarmasy basshysynyń orynbasary bar. Reseılik «Spýtnık V» vaksınasyna saldyrýǵa kelgen eriktiler aldymen dárgerlik tekerýden ótken. Ekpeni alǵashqy bolyp saldyrǵan oblys ákiminiń orynbasarlary Batyrjan Baıjumanov pen Rýstam Álı 30 mınýt boıy dárigelerdiń baqylaýynda boldy. Synaq merzimi ótkennen keıin olar jýrnalısterge arnaıy suhbat berip, vaksına saldyrýdyń mańyzyna toqtaldy.
– Oblys aýmaǵyna «Spýtnık V» vaksınasynyń 1450 dozasy ákelindi. Qazir oblystyq qan ortalyǵynda tıisti aýa temperatýrasymen jabdyqtalǵan orynda saqtaýly. Ekpeniń alǵashqy kezeńi oblystyń 4 aýdanynda bastaldy. Negizinen medısıana qyzmetkerlerine, onyń ishinde juqpaly aýrýlar aýrýhanasynń qyzmetkerlerine aldymen salynady. Ondan keıin vaksınalaý isi bilim berý salasyn boıynsha jalǵasady. Jalpy, ekpe jumysy tolyq qadaǵalaýda bolady. Eriktiler men ekpe saldyrýǵa mindetti qyzmetkerlerdiń densaýlyǵy jit tekseriledi. Dene qyzýy bar, qan qysymy joǵary, qant dıabeti, júrek syrqaty, ókpeniń sozylmaly keseli, obyr, búırek jetkiliksizdigi sııaqty aýrý belgisi anyqtalǵan jáne júkti áıelderge vaksına salynbaıdy. Men ózim de ekpe saldyrdym. Qazir jaǵdaıym jaqsy. 21 kúnnen keıin ekinshi ekpe saldyrmaqpyn, – deıdi oblys ákiminiń orynbasary Rýstam Álı.
