О́mirbaıan
Qalı Qoshqaruly Sársenbaı 1959 jyly 22-naýryzda Jambyl oblysy, Sarysý aýdany, Jaıylma aýylynda dúnıege kelgen. 1976 jyly orta mektepti bitirip, osy jyly QazUÝ-diń jýrnalıstıka fakýltetine oqýǵa túsip, ony 1981 jyly jýrnalıst mamandyǵy boıynsha bitirip shyqty.
Eńbek jolyn «Lenınshil jas» gazetinde (qazirgi «Jas Alash») korrektor bolyp bastap, osy basylymda 1987 jylǵa deıin tilshi, aǵa tilshi bolyp istedi. 1987-1988 jylǵa deıin «О́rken – Gorızont» gazetinde jaýapty hatshy, 1988 jyldan «Jetisý» gazetinde jaýapty hatshynyń orynbasary boldy. 1990-1995 jyldar aralyǵynda «Egemen Qazaqstanda» tilshi, aǵa tilshi, bólim bastyǵy qyzmetin atqardy. 1995-1997 jyldary «Parasat» jýrnaly Bas redaktorynyń orynbasary. 1997-2005 jylǵa deıin «Jas Alash» gazeti Bas redaktorynyń birinshi orynbasary bolyp eńbek etti.
2005 jyldyń 23-aqpanynan bastap «Almaty aqshamy» gazetiniń Bas redaktory.
Qazaqstan Respýblıkasynyń eńbek sińirgen qaıratkeri, QR Prezıdent syılyǵynyń laýreaty, Almaty qalalyq Máslıhatynyń depýtaty, «Qurmet» (2006j., 8 jeltoqsan), «Parasat» (2018j., jeltoqsan) ordenderiniń ıegeri, «Nur Otan» partııasy Almaty qalalyq fılıaly Saıası keńesiniń múshesi, «Nur Otan» partııasy XV jáne XVI sezderiniń delegaty, «Nur Otan» partııasynyń kezekten tys XVII seziniń qatysýshysy, Halyqaralyq TÚRKSOI uıymynyń BAQ salasyndaǵy syılyǵynyń laýreaty, Jýrnalıster odaǵy syılyǵynyń laýreaty, Qazaqstan Jazýshylar odaǵynyń múshesi.
«О́ner-ómir», «Senderdi saǵynǵanda», «Tulǵa-taǵdyr», «Shal men shyndyq», «Abyz-ańyz», «Sher-shyndyq» atty kitaptardyń avtory. Eki ul, eki qyzy bar. Jubaıy Tańsulý Mırmanova halyqaralyq «Túrkistan» gazetinde qyzmet isteıdi.
