Eýropa komıssııasynyń prezıdenti Ýrsýla Von der Lıaıen bul kelisimniń «úlken qadam» ekenin habarlady. Degenmen odaqqa jiberiletin vaksına kólemi jospardaǵy kórsetkishtiń jartysyna da jetpeıdi.
Taǵy bir másele – tasymaldaý. Eýroodaq pen Anglııa osy úshin de sátsiz dıalogqa tap boldy. Breksıt kelisiminen keıin eki aımaq arasynda taýar tasymaly úlken qıyndyq týǵyzyp tur. Jalpy, Eýropada vaksına jetispeı jatqanda Brıtanııanyń vaksınany esh kedergisiz alyp otyrǵany odaqtyń narazylyǵyn týdyrǵan. Odan keıin eksporttyq baqylaý ornaıtyny habarlandy.
Endi Von der Lıaıen hanym AstraZeneca aldaǵy aptada 9 mln vaksına, ıaǵnı josparlanǵan 40 mıllıon ekpeniń alǵashqy bóligin jiberedi degen habarlama jasady. Eki el arasyndaǵy tasymal josparlanǵan kúnnen de erte iske asyrylmaq. Sonymen birge komıssııa basshysy baǵanyń 30 paıyzǵa óskenin de málimdedi.
Buǵan deıin habarlaǵanymyzdaı, Eýroodaq pen AstraZeneca 300 mıllıon vaksınaǵa kelisim jasaǵan edi. Onyń 80 mıllıony 2021 jyldyń alǵashqy toqsanynda jetkiziledi degen jospar boldy. Alaıda farmasevtıkalyq kompanııa Belgııa men Danııada ósetin, vaksına quramyna qajetti shóptiń jetkizilýi qıyndap ketkenin aıtyp, keıinge shegergen.
