30 jyldyqqa arnaldy

«Sharanyń maqsaty – bıyl­ǵy jyldyń basty merekesi tá­ýel­sizdiktiń 30 jylynda jetken je­tistikterimizdi áıgilep, osy ara­lyqta atqarylǵan asa mańyzdy saıa­sı oqıǵalar men ekonomıkalyq órleý isindegi jetistikterimizdi ha­lyqqa kór­setý», deıdi kórmeni uıymdas­tyrýshy tarap.

Qoja Ahmet Iаsaýı kese­ne­­si­niń úlken Aqsaraı jáne kitapha­na bólmesi sórelerinde or­na­las­qan jádigerler qataryna: memleketimizdiń Ata Zańy – Qa­zaqstan Konstıtýsııasy men Mem­lekettik rámizderi, Qazaq­stan Respýblıkasynyń Tuń­ǵysh Pre­zıdenti – Elbasy Nur­sul­tan Na­zar­baevtyń táýel­sizdik jyldary atqarǵan abyroıly qyzmetin áıgi­­leıtin foto­qujattar men osy jyl­dary ja­ryq kórgen Elbasynyń qun­­dy eńbekteri jáne Memleket bas­­shysy Qasym-Jomart Toqaev­tyń jýyqta jarııalanǵan «Táýel­siz­dik bárinen qymbat» atty ma­qa­la­syna qatysty aıtylǵan úzik oılar hám elimizdiń 30 jyl­daǵy órleý kezeńi týraly baıan­daıtyn qun­dy málimetter qoıylǵan.

Bul mańyzdy mádenı oqıǵa jaı­ly pikir bildirgen mekeme bas­­shysy Nurbolat Qadyruly «Ata-babamyz armandaǵan azat­tyq baıraǵyn qolda berik us­taý – búgingi urpaqtyń basty pa­ryzy. Árbir qazaqstandyq – Ota­nyn jú­regimen súıip, ony ór­kendetý jolynda adal qyz­met etetin patrıot bolýy tıis. Bul kórme jastardy ult­tyq qun­dylyqtarymyzdy qa­dir­­leýge, tarıhyn bilýge yqpal ete­di degen úmittenemiz», – dedi.