Alǵashqylardyń biri bolyp «Spýtnık V» vaksınasyn oblys ákiminiń orynbasary Arman Sábıtov, qoǵamdyq densaýlyq basqarmasynyń basshysy Marat Pashımov, bas sanıtar dáriger Nurbek Nyshanov saldyrdy. Túrkistan qalasyndaǵy ortalyq emhanada aldymen dárigerlerdiń tekserýinen ótken olar vaksına alǵannan keıin 30 mınýt boıy baqylaýda boldy. Oblysta koronavırýsqa qarsy vaksına egý jyl sońyna deıin jalǵasyp, oǵan 950 myń adam qatysady dep josparlanýda. Birinshi kezeńde ınfeksııalyq aýrýhanalardyń, jedel medısınalyq járdeminiń, reanımasııa bólimsheleriniń, qabyldaý bólimderiniń medısına qyzmetkerlerine vaksına egiledi. Oblystyq qoǵamdyq densaýlyq basqarmasynyń basshysy Marat Pashımov vaksınalaýǵa profılaktıkalyq egýge qarsy kórsetilimderi joq adamdar jiberiletinin, aldymen azamattar dárigerdiń mindetti tekserýinen ótetinin aıtady. О́ńirde egý pýnktteriniń daıyndyǵy tekserilip, profılaktıkalyq egýlerdi júrgizý máseleleri boıynsha standartty operasııalyq rásimder bekitilgen. Medısına qyzmetkerleri oqytyldy. Jalpy oblysqa aqpan aıynyń sońyna deıin taǵy 180 myń vaksına dozasy jetkizilmek. Al vaksınanyń tasymaldanýy negizgi 4 kezeńnen turady. Eń aldymen óndirýshiden biryńǵaı dıstrıbıýtordyń qoımasyna jetkiziledi. Odan keıin ol qoımadan óńirlerdegi densaýlyq saqtaý basqarmalarynyń dárihana qoımalaryna ákelinedi. Úshinshi kezeńde bul vaksınalardy qalalar men aýdandardaǵy medısınalyq uıymdarǵa tasymaldaıdy. Tórtinshi kezeńde vaksına sol medısınalyq uıymdarda sapaly kúıde saqtalýy kerek.
О́ńirde jyl basynan beri, ıaǵnı qańtardyń sońyna deıin COVID-19 ınfeksııasynyń 361 jaǵdaı anyqtalǵan, 100 myń halyqqa shaqqandaǵy kórsetkish 17,8 bolady. Onyń ishinde sımptomdarmen – 62, sımptomdarsyz 299 jaǵdaı tirkelgen.
Túrkistan oblysy
