Zań jobasy ıadrolyq tehnologııalardy óndiris kezinde qoldanýǵa, saqtaýǵa, paıdalaný men tasymaldaýǵa qatysty qaýipti azaıtýǵa arnalǵan.
Zańǵa engiziletin jańashyldyqtardyń biri osy saladaǵy lısenzııalaýdyń ashyqtyǵyn qamtamasyz etý. Sol arqyly atom energııasyn qoldaný salasyndaǵy naqty qyzmet túrlerin anyqtaý jáne lısenzııa berilmeıtin qyzmet túrlerin de lısenzııalaý kózdelip otyr.
«Atom energııasyn qoldaný salasyndaǵy qyzmetterdi retteýdiń naqty tetikterin anyqtaý jáne elimizdegi atom salasyn retteýdiń obektileri men sýbektilerine qoıylatyn talaptardy naqtylaý ıadrolyq jáne radıasııalyq qaýipsizdikti kúsheıtedi. Bul óz kezeginde qorshaǵan ortany qorǵaýǵa jáne azamattardyń densaýlyǵyn saqtaýǵa oń áser etedi. Sondaı-aq, Qazaqstan qabyldaǵan halyqaralyq mindettemelerdi iske asyrýdy qamtamasyz etedi», dedi senator Edil Mamytbekov.
Komıtet tóraǵasy Dáýren Ádilbekovtiń aıtýynsha, zańǵa engiziletin ózgerister tek MAGATE-nyń qaýipsizdik boıynsha halyqaralyq talaptaryn oryndaýǵa ǵana baǵyttalyp otyrǵan joq. Bul jańa normalar kásipkerler úshin júktemeni jáne ákimshilik kedergilerdi azaıtady. Odan bólek, osy saladaǵy memlekettik qyzmetterdi «bir ótinish» qaǵıdasy boıynsha kórsetýge múmkindik beredi.
