Búgin qala ákimi Murat Áıtenov qurylys alańynda bolyp, jumys barysymen tanysty. Nysannyń uzyndyǵy Qonaev dańǵyly boıynsha 1 shaqyrym, Rysqulov kóshesi boıynsha 0,7 shaqyrymdy quraıdy. Jyl sońyna deıin el ıgiligine paıdalanýǵa berý josparlanýda.
Búgingi tańda munda 3,3 shaqyrym sý, gaz qubyrlarynyń ornyn aýystyrý, tónnel qazý, 60 metr tireý qabyrǵalaryn quıý, 7 baǵana ornatý jáne 75 qada quıý jumystary oryndaldy.
Sonymen qatar, atalǵan jolaıryǵynda jer asty ótkeliniń qurylysy josparlanǵan. Qurylystyń jobalaý-smetalyq qujattamasyn ázirleý úshin qarjy qarastyrylyp, memlekettik satyp alý konkýrsy júrgizilip jatyr.
Murat Áıtenov atqarylǵan jumystardy kórip, sala basshysyna kólik keptelisi sekildi qolaısyzdyqtar sheshimin tabý úshin nysannyń qurylysyn merziminde aıaqtaýdy tapsyrdy.
