Jıynǵa QR Mádenıet jáne sport vıse-mınıstri Sáken Júnisbekuly Musaıbekov pen Qazaqstan dzıýdo federasııasynyń prezıdenti Qaırat Perneshuly Qojamjarov jáne «Nur-Sultan» ODO» dırektorynynyń mindetin atqarýshy Qypshaqbaev Muratbek Sultanbekuly qatysty.
Qaırat Perneshulynyń alǵysózinen keıin jas dzıýdo sheberleri jattyqtyrýshy Sergeı Paktyń basshylyǵymen az ýaqyt aralyǵynda ıgergen ónerlerin kórsetti.
Japon jekpe-jegine degen qyzyǵýshylyq óte joǵary. Osyny eskergen olımpıadalyq daıarlaý ortalyǵynyń basshylyǵy onyń aýqymyn keńeıtip, barlyq qatysýshyǵa jaıly jaǵdaı jasaýǵa tyrysty. Qazir negizgi zaldyń kólemi 410,4 sharshy metrdi quraıdy. Bul bir mezette 100 adamnyń emin-erkin daıyndalýyna múmkindik beredi. Al, ortalyqtyń jalpy aýmaǵy 721,2 sharshy metrdi alyp jatyr. Bul jerge kıim aýystyratyn jáne basqa da bólimder kiredi.
Aıta keteıik, «Saryarqa» velotregi janyndaǵy Dzıýdo ortalyǵy 2020 jyldyń qarashasynan jumys istep keledi. Qazir onda 120-dan asa adam jattyǵyp júr. Qazir daıyndyq jumystary aptasyna 6 kún ótedi. 2 bapker bar. Sanıtarlyq talaptar qatań saqtalǵan.
