Aımaq turǵyndarynyń aıtýynsha, mundaı jaǵdaı jaz mezgilinde de birneshe ret qaıtalanǵan. Aıta ketý kerek, aýdandy ortalyq sý júıesimen qamtamasyz etetin mańyzdy nysan eki jyl buryn qoldanysqa berilgen bolatyn.
Nurbol, Baıanaýyl aýdanynyń turǵyny:
– Bul endi birinshi ret bolyp jatqan jaǵdaı emes. Jazdy kúnderi de birneshe ret bolǵan. Endi qysty kúni qaıtalanyp otyr. Bul durys emes dep oılaımyn. Toqtamasa, myna úılerdiń ishine de sý kirý qaýpi bar. Sol sebepti buǵan bir shara qoldansa degen Sháken Aımanov atyndaǵy turǵyndardyń ótinishi bar.
Al jergilikti kommýnaldyq sala ókilderi apat saldarynyń joıylǵanyn habarlady. Oqys jaǵdaıǵa sý tazartý beketindegi avtomatty qurylǵynyń isten shyǵýy sebep bolypty. Sonyń kesirinen taza sý saqtalatyn rezervýarlar tolyp ketken.
Rýslan Avkýbaev, qyzmet kórsetý mekemesiniń ókili:
– Tańǵy saǵat 5-ten 8-ge deıin biz apatty jaǵdaıdy tolyq qalpyna keltirdik. Sý qubyrlary jelisi qazir qalypty jaǵdaıda jumys istep tur. Turǵyndardan keltirilgen qolaısyzdyqtar úshin keshirim suraımyz.
