– SOVID-19 pandemııasyna baılanysty dárister onlaın-rejiminde júrgizilýde. Barlyq sanıtarlyq talap saqtalyp otyr. Bul kýrstyń maqsaty – jazasyn óteýshilerdiń aǵylshyn tilin jetik meńgerýine yqpal etý. О́ıtkeni túzeý mekemesinen shyqqan soń olardyń ózderi qalaǵan mamandyǵymen jumysqa ornalasýyna septigi tıedi, – deıdi mekemedegi tárbıe bóliminiń bastyǵy Ulmeken Álıeva.
Jazasyn óteýshilerdiń biri – Balaýsa. Adam ómirine qasaqana zııan keltirgeni úshin 8 jylǵa sottalypty. Ol munda aǵylshyn tili kýrsyna qatysýmen shektelip júrgen joq. Mekemeniń kitaphanasynan aǵylshyn tilindegi kitaptardy alyp oqıdy.
– Aǵylshyn tili kýrsyna qyzyǵýshylyqpen qatysyp júrmin. Sebebi bostandyqqa shyqqannan keıin Atyraýdaǵy sheteldik kompanııalardyń birine jumysqa turǵym keledi. Bul úshin árıne, shet tilin bilý kerek. Osy oraıda mekeme basshylary aǵylshyn tilin úırenýge múmkindik jasap otyr, – deıdi Balaýsa.
Ulmeken Álıevanyń aıtýynsha, aqpan aıynda 10-ǵa jýyq jazasyn óteýshige aǵylshyn tilin meńgergeni týraly sertıfıkat tapsyrylady. Qazir munda 150-den astam áıel jazasyn ótep júr.
Atyraý oblysy
