Ulttyq saraptama ortalyǵynyń mamandary reseılik «Chınkova» JK (Chelıabi oblysy) usynǵan «Premıým» pisirilgen shujyǵynan patogendi stafılokokk tapqan. Sondaı-aq Qostanaı oblysy boıynsha USO mamandary reseılik óndirýshi «Smırnov» JK (Chelıabi oblysy) ónimderiniń «Kotletnyı» broıler-balapandar etinen jasalǵan jartylaı fabrıkatynan ishek taıaqshasy tobynyń bakterııasyn anyqtady. Mundaı bakterııa «Saran konservi zaýyty» AQ (Mordovııa Respýblıkasy, Reseı) óndiretin qoıyltylǵan sút synamalarynan da tabyldy.
Úlgilerdi qańtarda halyq tutynatyn taýarlar sapasynyń monıtorıngi aıasynda Qostanaı oblysy boıynsha sanıtarlyq-epıdemıologııalyq baqylaý departamenti satyp aldy.
«Bul zerttelgen ónim Keden odaǵynyń tehnıkalyq reglamentteriniń («Tamaq ónimderiniń qaýipsizdigi týraly» KO TR 021/2011, «Et jáne et ónimderiniń qaýipsizdigi týraly» KO TR 034/2013, «Sút jáne sút ónimderiniń qaýipsizdigi týraly» KO TR 033/2013) talaptaryna sáıkes kelmeıdi. Qazir sanıtarlyq-epıdemıologııalyq baqylaý departamenti densaýlyqqa qaýipti ónimderdi alý jáne joıý boıynsha sharalardy qabyldaýda.
