Ulttyq qaýipsizdik komıteti Shekara qyzmeti akademııasynyń dalalyq oqý ortalyǵynda Almaty garnızonynyń áskerı bólimderine kelgen jas sarbazdar úshin tanystyrý sabaǵy ótkizildi, dep habarlady QR UQK ShQ baspasóz qyzmeti.
Ulttyq qaýipsizdik komıteti Shekara qyzmeti akademııasynyń dalalyq oqý ortalyǵynda Almaty garnızonynyń áskerı bólimderine kelgen jas sarbazdar úshin tanystyrý sabaǵy ótkizildi, dep habarlady QR UQK ShQ baspasóz qyzmeti.
Táýelsizdik kúni qarsańynda áskerı ant qabyldaǵan sarbazdar naǵyz jaýyngerlik ómirmen tanysty, onyń ishinde shekara áskerleriniń sanatyndaǵy qarý-jaraq pen shekarany qorǵaýǵa arnalǵan tehnıkalyq quraldardyń múmkindikteri kórsetildi. Áskerı kıim-keshektiń túr-túrinen bastap radıolokasııalyq quraldardyń jumys isteýine deıin kórsetý jaǵy da esten shyǵarylmady.
Shekara buzýshylardy izdeý jáne ustaý joldary, bul maqsatta jan-janýarlardyń, onyń ishinde qyzmettik ıtter men attardyń kómegin qalaı paıdalaný kerektigi de is júzinde kórinis tapty. Akademııanyń birinshi kýrs stýdentteri atqa minýdiń qyr-syryn túsindirdi.
Bul kúni dalalyq oqý ortalyǵy jaýyngerlik is-qımyl alańyn eske túsirgendeı boldy. Tútindetkishter, atylǵan qarý-jaraq, granatalardyń jarylǵan dybystary men oq-dári ıisi jas sarbazdarǵa aldaǵy áskerı ómirdiń qalaı bolatyndyǵyn meńzep turǵandaı, ıaǵnı bolashaq qyzmet barysynda osy áskerı qımyldardyń barlyǵyn teorııalyq jaǵynan ǵana emes, praktıkalyq turǵydan da ózderine meńgerýge týra keledi.
Áskerı is-qımyldar eshkimdi de beıjaı qaldyrmady. «Boran» arnaıy bólimshesiniń jaýyngerleri shekarany buzýshylardy qalaı ustaý kerektigin is júzinde joǵary sheberlikpen dáleldedi.
Shekara qyzmetiniń sapyna kelgen jas sarbazdardyń aldynda joǵarydaǵy qarý-jaraq túrleri men áskerı qımyldardy tereń meńgerip, erteńgi kúni elimizdiń qasıetti shekarasyn kúzetý mindeti tur.
