Vaksınasııa júrgizý maqsatynda profılaktıkalyq egýler júrgizý pýnktteri jumys isteıdi. Barlyǵy 40 MSAK anyqtaldy. Alǵashqy kúni Almatyda 360 adam egildi.
О́z kezeginde sanıtarlyq-epıdemıologııalyq baqylaý departamentiniń ınfeksııalyq jáne parazıttik aýrýlardy baqylaý bóliminiń basshysy Almash Ahmetova vaksınasııa júrgizýdiń mańyzdylyǵyn túsindirdi.
«Álemdegi pandemııaǵa baılanysty 2020 jyldyń naýryz aıynan bastap qalada koronavırýstyq ınfeksııa boıynsha epıdemııalyq qolaısyzdyq baıqalýda. COVID-19-bul jańa ınfeksııa bolǵandyqtan, halyqtyń kópshiliginde bul ınfeksııaǵa qarsy ózine tán ımmýnıtet joq. KVI pasıentterin tıimdi emdeý úshin arnaıy preparattar joq, sonyń saldarynan aýrýdyń asqynýy jaısyz jaǵdaılarǵa alyp keletini baıqalady», - dep habarlady Almash Ahmetova.
Mamannyń aıtýynsha, júrgizilip jatqan shekteý, sanıtarlyq-profılaktıkalyq, sanıtarlyq-epıdemııaǵa qarsy is-sharalar kesheni halyq arasynda ınfeksııanyń taralýyn ýaqytsha toqtatýǵa múmkindik beredi. Osyǵan baılanysty vaksınasııa qajetti shara bolyp tabylady.
Koronavırýstyq ınfeksııa boıynsha epıdemııalyq jaǵdaıdy turaqtandyrýdy qamtamasyz etý, pandemııaǵa qarsy is-qımyl jáne halyqty koronavırýstyq ınfeksııadan erekshe qorǵaýmen qamtamasyz etý maqsatynda Qazaqstan Respýblıkasy Prezıdentiniń tapsyrmasy boıynsha QR Bas memlekettik sanıtarııalyq dárigeriniń 27.01.2021 jylǵy №3 qaýlysyna sáıkes halyqtyń ártúrli toptarynyń epıdemıologııalyq mańyzdylyǵyn eskere otyryp (basymdyǵy boıynsha) COVID-19-ǵa qarsy vaksınasııalaýdy kezeń-kezeńimen júrgizý bastaldy. Koronavırýstyq ınfeksııany juqtyrý jáne taratý qaýpi joǵary halyqtyń áleýmettik osal toptary odan ári ımmýndaýǵa jatatyn halyqtyń qalǵan toptaryn qamtı otyryp, vaksınasııalaýǵa jatady.
Koronavırýstyq ınfeksııasyn juqtyrý jáne ony taratý qaýpi joǵary toptar úshin vaksınasııalaý TMKKK esebinen tegin júrgiziledi.
Esterińizge sala keteıik, alǵashqy bolyp erikti túrde Almaty qalasy ákiminiń orynbasary E. Babaqumarov, Qoǵamdyq densaýlyq saqtaý basqarmasynyń basshysy N.Tabynbaev jáne qalalyq sanıtarlyq-epıdemıologııalyq baqylaý departamentiniń basshysy J. Bekshın, sondaı-aq máslıhat depýtaty, №5 QKA bas dárigeri B. Sadyqov vaksınasııadan ótti.
Almaty ákiminiń orynbasary Erjan Babaqumarov atap ótkendeı, «vaksınasııa – koronavırýstyq ınfeksııaǵa qarsy turýdyń jalǵyz ádisi.
О́mirdiń burynǵy yrǵaǵyna oralý úshin vırýspen kúresýdiń osy tıimdi kezeńinen ótý kerek. Qoǵamdyq densaýlyq jáne árqaısymyzdyń, jaqyndarymyzdyń densaýlyǵy osyǵan baılanysty».
Qazaqstanda vaksınasııa erikti bolyp tabylatynyn atap ótken jón. QR «Halyq densaýlyǵy jáne densaýlyq saqtaý júıesi týraly» Kodeksiniń 77-babyna sáıkes kez kelgen medısınalyq rásim, onyń ishinde vaksınasııa egilýshiniń tek aqparattandyrylǵan kelisimimen ǵana júrgiziledi. Qazaqstanda vaksınasııadan bas tartqany úshin ákimshilik nemese qylmystyq jaýapkershilik qarastyrylmaǵan.
