«Atyraý qalasynda epıdemıologııalyq ahýal tolyq turaqtalǵanǵa deıin kelesi karantındik shekteý is-sharalary saqtalsyn. Kópshilik is-sharalardy (merekelik, oıyn-saýyq, kópshilik mádenı, sporttyq, bilim berý salasyndaǵy is-sharalaryn, kórmelerdi, korporatıvti, forýmdardy, konferensııalardy, sondaı-aq otbasylyq, estelik is-sharalardy (banketter, úılený toılary, mereıtoılar, eske alý jáne t. b.), onyń ishinde úıde jáne jappaı adamdar jınalatyn ózge de is-sharalardy ótkizýge tyıym salynsyn» delingen qujatta.
Jańa qaýlyǵa sáıkes, qaladaǵy oıyn-saýyq obektileriniń, banket zaldarynyń, túngi klýbtardyń, karaoke, kompıýterlik jáne oıyn klýbtarynyń, kalıan, býkmekerlik keńselerdiń qyzmetin, menshik nysanyna qaramastan mektepke deıingi balalar mekemeleriniń (kezekshi toptardy qospaǵanda), mádenı nysandardyń, jeke, toptyq daıyndyqtardy qosa alǵanda kınoteatrlardyń, teatrlardyń qyzmeti toqtatylyp otyr.
