Qyzylorda qalalyq Polısııa basqarmasynyń qyzmetkerleri jedel-izdestirý is-sharalary barysynda oblys ortalyǵynyń 35 jastaǵy turǵynyn quryqtady. Ol oblys turǵynyna múgedektik boıynsha zeınetaqy resimdeýge járdemdesýge ýáde etken.
Jábirlenýshi alaıaqtyń sózine senip, oǵan 180 myń teńge kóleminde qarajat tólegen. О́ziniń aıla-amaldary men josparlaryn júzege asyrý maqsatynda kúdikti azamatsha oǵan áleýmettik qamsyzdandyrý mekemesiniń qyzmetkeri ekenin aıtqan.
Qazirgi tańda kúdikti azamatshanyń alaıaqtyqtyń budan basqa da eki deregine qatystylyǵy anyqtaldy. Oǵan qatysty Qazaqstan Respýblıkasy Qylmystyq kodeksiniń 190-baby 3-bóliginiń 4-tarmaǵymen (Birneshe ret jasalǵan alaıaqtyq) sotqa deıingi tergep-tekserý amaldary júrgizilýde.
Kúdikti óz kinásin tolyq moıyndady.
Aıda ORALBEK
